Tarixi əsərlərə marağı olan və tez-tez İstanbulda təşkil edilən hərrac mərasimlərində iştirak edən Ebru Gündeşin həyat yoldaşı, iş adamı Rza Zərrab hərrac evlərini də çətin vəziyyətə salıb.
Türkiyə mətbuatına istinadən xəbər verir ki, iş adamı son dövrdə aldığı, dəyərləri təxminən 20 milyon lirə təşkil edən rəsm əsəri və antikvar əşyaların pullarını ödəmədən həbs olunduğu üçün hərrac evi nə edəcəyini düşünməyə başlayıb. Zərrab rüşvət əməliyyatından iki gün əvvəl Antik “A.Ş“nin təşkil etdiyi hərracda 1 milyon 50 min lirəyə Nazmi Ziyanın “Öz evi” adlı rəsm əsərini, 250 min və 380 min lirəyə olan qabları satın alıb. Əsərlər və "El Ganador" adlı yarış atı ilə birlikdə müsadirə edilsə də, iş adamının keçən il həyat yoldaşı Ebru Gündeşə ad günü münasibəti ilə aldığı "Duty Free" adlı at müğənninin adına olduğu üçün toxunulmayıb.
Elməddin Əmirov
