Yaponiyanın qərbində yerləşən Osaka şəhərində beynəlxalq “Kansay” aeroportunu ada ilə birləşdirən körpünün təmirinə başlanılıb.
Körpü cari ayın əvvəllərində region üzərindən keçən güclü tufan zamanı tankerin ona çırpılması nəticəsində zədələnib.
Körpünü təmir edənlər üzən kran vasitəsilə təqribən 188 metr uzunluğunda və 2 min ton ağırlığında olan zədələnmiş fermaları dəyişməyə başlayıblar və bu işlərin sentyabrın 14-də başa çatacağı bildirilir. Bundan sonra körpünün aşağı hissəsindən keçən dəmir yolu xəttinin bərpası işlərinə başlanacaq.
Yaponiya Nəqliyyat Nazirliyinin nümayəndələrinin bildirdiyinə görə, bərpa işlərinin cari ayın sonunadək tamamlanması nəzərdə tutulur.