Abşeron qəzetinin yeni sayı
«    Fevral 2019    »
BeÇaÇCaCŞB
 123
45678910
11121314151617
18192021222324
25262728 
8-02-2019, 14:56 Oxunub: 203

Tailand “Huawei-5G” texnologiyalarını sınaqdan keçirib

Tailand “Huawei-5G” texnologiyalarını sınaqdan keçirib


ABŞ-ın Çinin texnologiya nəhəngi “Huawei” şirkətinin yeni nəsil mobil şəbəkə qurmasına əngəl olmaq məqsədilə müttəfiqlərinə etdiyi müraciətə rəğmən fevralın 8-də Tailand “Huawei-5G” texnologiyalarını sınaqdan keçirib.

Telekommunikasiya qurğularının və smartfonların dünyada ikinci nəhəng istehsalçısı olan Çin şirkəti hazırda beynəlxalq miqyasda casusluq ittihamları ilə qarşılaşıb. Birləşmiş Ştatların Asiyada köhnə müttəfiqi olan Tailand isə “Huawei” şirkətinin Cənub-Şərqi Asiyada əsas dayağına çevrilir. Bu ölkənin rəqəmsal iqtisadiyyat naziri Piçet Duronqkaveroj bəyan edib ki, Çin şirkətinə qarşı hələ tam sübut olunmamış ittihamlara görə onunla əməkdaşlıqdan imtina etmək düzgün deyil. Tailand ordusunun əsas mərkəzi olan və Banqkokdan 90 kilometr məsafədə yerləşən Çonburi rayonunda 45 milyard dollar sərmayə qoyulacaq Şərq İqtisadi Dəhlizinin yaradılması planlaşdırılır. “Huawei-5G” texnologiyalarının sınağı da məhz burada keçirilib. Çonburidə “Vendors”, “Ericsson” və “Thai Telekoms” şirkətlərinin də 5G sınaq laboratoriyaları qurulub.

Gəlirlərinin yarısını Çinin hüdudlarından kənarda əldə edəcəyini bəyan edən “Huawei” şirkəti artıq 5G texnologiyaları üzrə qlobal miqyasda 30 kommersiya kontraktı imzalayıb. Lakin hələ də Tailandla bu cür razılaşma əldə olunmayıb. Hazırda Çin şirkəti bu ölkədəki telekommunikasiya operatorları ilə danışıqlar aparır və 2020-ci ilin dekabrında Banqkokda şəbəkələrin tam qurulub başa çatdırılmasını planlaşdırır.

ABŞ-ın Tailanddakı səfirliyinin mətbuat katibi bildirib ki, Banqkok gələcəkdə Çin şirkəti ilə əməkdaşlığa üstünlük verərsə, kiberhücumlara qarşı müdafiəsiz qala və rəsmiləşdirilməyən şəbəkə problemləri ilə qarşılaşa bilər. “Biz öz müttəfiqlərimizə və tərəfdaşlarımıza təklif edirik ki, bu cür riskləri nəzərə alsınlar və öz şəbəkələrinin təhlükəsizliyini təmin etmək üçün şübhəli kontraktlardan uzaq dursunlar”, -deyə amerikalı diplomat əlavə edib.

Tailandla ABŞ arasında münasibətlər Banqkokda 2014-cü ildə baş vermiş hərbi çevrilişdən sonra korlanıb. Digər tərəfdən, bu ölkə Cənub-Şərqi Asiyaya böyük sərmayələr qoyan Çinlə yaxınlaşıb. Belə ki, Pekin son illər Tailandın təşəbbüsçüsü olduğu Şərq İqtisadi Dəhlizində məlumat mərkəzinin yaradılmasına 22,5 milyard dollar vəsait xərcləyib. Çinin “Alibaba”, “Tencent”, “Kingsoft” şirkətləri də bu layihəyə sərmayələr qoyacaqlar.

Vaşinqtonla həmrəy olan Avropa Komissiyası isə yanvarın 30-da “Huawei-5G” texnologiyalarının Avropada qadağan edilməsi məsələsini müzakirə edib.
XƏBƏR LENTİ
Bu gün, 11:11 | Ceyranbatan bağçasında Savad təlimindən açıq məşğələ keçirildi.Bu gün, 10:37 | Əbilhəsən Dilavərliyə qızıl medal təqdim edildi (Video+Foto)Dünən, 11:26 | Yeni tədqiqat: Abşeronda banan, manqo, avokado yetişdirə bilərsinizDünən, 11:21 | Mehriban Əliyevanın əzmkar rəhbərliyi sayəsində Azərbaycan gimnastikasına münasibət əsaslı şəkildə dəyişib - Nazir müaviniDünən, 11:18 | "Ölkəmizin əldə etdiyi maliyyə imkanları vətəndaşların sosial rifahına yönəlib"Dünən, 10:12 | Aparıcı İT şirkətləri 5G şəbəkəsi üzərində birgə çalışacaqlarDünən, 10:11 | Vyetnamın televiziya kanalında Azərbaycan haqqında film nümayiş etdirilibDünən, 10:08 | Google Docs APİ təqdim olunduDünən, 10:07 | Elmar Məmmədyarov Almaniya Bundestaqının üzvü ilə görüşüb15-02-2019, 18:05 | Xocalının “Böyüməyən uşaqlar”ı Ukraynada səhnələşdirilir15-02-2019, 17:44 | "Azərbaycanda gənclər siyasəti dünyada bir nümunədir"15-02-2019, 17:43 | "Prezidentin qərarı tək sosial addım deyil, dövlətçilik siyasətinin zəruri tərkib hissəsidir"15-02-2019, 17:41 | Prezident bu sərəncamlarda dəyişiklik etdi15-02-2019, 17:40 | Komitə sədri Mərakeş Krallığının səfiri ilə görüşüb15-02-2019, 17:38 | "Azərbaycan gəncinin savadlı olması prioritetdir"15-02-2019, 17:32 | Müdafiə naziri Rusiyanın hərbi attaşesi ilə görüşüb15-02-2019, 17:31 | Bu rayonlarda "Elektron Kənd Təsərrüfatı İnformasiya Sistemi"nin tətbiqinə start verilir15-02-2019, 17:30 | Azərbaycanda bəzi Dövlət komissiyalarının tərkibi dəyişdirilib15-02-2019, 17:28 | Prezident İlham Əliyev litvalı həmkarını təbrik edib15-02-2019, 17:20 | Böyük Britaniya Baş nazirinin ticarət elçisi Azərbaycana səfər edəcək15-02-2019, 17:19 | Azərbaycanlı polkovnik MDB Dövlət Başçıları Şurasının “Döyüş əməliyyatı veteranı” medalı ilə təltif olunub15-02-2019, 17:16 | Azərbaycanda müəssisələrin enerji şəbəkəsinə qoşulması sadələşdirilib