ABŞ Prezidenti Donald Tramp cari ilin mayında Yaponiyaya səfər edə bilər.
Bu barədə fevralın 18-də “Sankei” qəzeti məlumat yayıb. Nəşr yazır ki, Yaponiya hökuməti D.Trampın mayın 25-28-də Tokioya səfərinin mümkünlüyünü araşdırır. Səfər çərçivəsində onun Baş nazir Şinzo Abe ilə müzakirələr aparması ilə yanaşı, mayın 1-də taxta çıxacaq yeni İmperator Naruhito ilə görüşəcəyi də planlaşdırılır. Qeyd edilir ki, belə olacağı halda, ABŞ Prezidenti yeni İmperatorla görüşən ilk xarici ölkə lideri olacaq.
Xatırladaq ki, D.Tramp Yaponiyaya sonuncu dəfə 2017-ci ilin noyabrında səfər edib.