Abşeron rayon , Məmmədli kəndində şəhid Zöhrab Mustafayevin bacısının toy şənliyi keçirilib.
Gənc ailəni təbrik üçün toplaşanlar arasında Abşeron RİH-nin şöbə müdiri Azər Məmmədov , Səfərbərlik və Hərbi Xidmətə Çağırış üzrə Dövlət Xidmətinin Abşeron şöbəsinin rəisi, polkovnik-leytenant Hüseyin Quliyev, Məmmədli kəndinin bələdiyyə sədri, icra nümayəndəsi , şəhidin xidmət yoldaşları və döyüşçü dostları da olub.
Rayonun “Yanardağ” şadlıq sarayında baş tutan toy mərasimi Azərbaycan Respublikasının Dövlət Himninin ifası ilə başlayıb. Mərasimdə təbrik üçün söz verilən A.Məmmədov və H.Quliyev, Abşeron rayon İcra Hakimiyyətinin başçısı İradə Gülməmmədovanın adından Mustafayevlər ailəsini təbrik edib və rayon rəhbərliyinin hədiyyəsini təqdim ediblər.