Abşeronda 17 iyun - səhiyyə işçilərinin peşə bayramı ilə bağlı tədbir keçirilib. Abşeron Rayon Mərkəzi Xəstəxanasının akt zalında keçirilən tədbirdə MRX-nın baş həkimi Mehriban Qaralova həmkarlarını peşə bayramı münasibətilə təbrik edib, Ulu Öndər Heydər Əliyevin səhiyyəmizin inkişafı ilə bağlı tarixi xidmətlərindən danışıb, hazırda bu siyasətin möhtərəm Prezidentimiz cənab İlham Əliyev tərəfindən uğurla davam etdirilməsindən söz açıb.
Abşeron rayon icra hakimiyyəti başçısının I müavini İradə Gülməmmədova əvvəlcə tədbir iştirakçılarını I Avropa Oyunlarının başlanması və Milli Qurtuluş Günü münasibətilə təbrik edib. Peşə bayramı münasibətilə bütün səhiyyə işçilərini təbrik edən İ.Gülməmmədova bildirib ki, həkimlər cəmiyyətimizin ən hörmətli və fədakar üzvləridir. Ağ xalatlı tibb işçiləri sağlamlığımızın keşiyində həmişə ayıq-sayıq durmuş, şərəfli peşə sahibləri kimi böyük nüfuz qazanıblar.İ.Gülməmmədova həmçinin qeyd edib ki, həkimlik çox nəcib peşədir. İnsanların sağlamlığını qorumaq, onlara ömür bəxş etmək, yaşatmaq müqəddəs və şərəfli bir vəzifədir. Və mən bütün tibb işçilərinin ilk növbədə özlərinə, ailə üzvlərinə uzun ömür, möhkəm cansağlığı arzulayıram. Bütün həkimlərə, səhiyyə sahəsində çalışan hər kəsə xoşbəxtlik, əmin-amanlıq arzu edirəm. Sizə çox şərəfli və fədakar fəaliyyətinizdə uğurlar diləyirəm. Daha sonra çıxış edən Abşeron rayon Gigiyena və Epidemiologiya Mərkəzinin baş həkimi Məhərrəm Abdulov qeyd edib ki, ötən 10 ilə nəzər salanda görürük ki, Azərbaycan dövlətinin qayğısı, rayon rəhbəri cənab Zakir Fərəcovun məqsədyönlü sosial yönümlü siyasəti sayəsində bu gün səhiyyəmiz böyük nailiyyətlər qazanıb. Amma hələ qarşıda görüləsi işlərimiz də çoxdur. Və mən əminəm ki, biz qarşımıza qoyulan vəzifələrin öhdəsindən bundan sonra da şərəflə gələcəyik.
Sonda səhiyyə sahəsində göstərdikləri səmərəli fəaliyyətinə görə bir qrup tibb işçisinə Abşeron rayon icra hakimiyyəti başçısının Fəxri fərmanları və hədiyyələri təqdim edilib. Baş redaktör: Şamo Əliyev