1930-cu ildə inzibati rayon statusu alan Ağdam rayonunun Ermənistan silahlı qüvvələri tərəfindən 1993-cü ilin iyul ayının 23-də işğal edilməsindən 22 il ötür.Bu münasibətlə Abşeron Rayon İcra Hakimiyyəti başçısının I müavini İradə xanım Gülməmmədova Ağdam rayonundan olan şəhid ailələrinin nümayəndələrini qəbul edib.
Əvəlcə vətən uğrunda canından keçmiş Şəhidlərin xatirəsi bir dəqiqəlik sükutla yad olunub.
Daha sonra çıxış edən İradə Gülməmmədova qeyd edib ki, Ağdam vuruşmuşdur, döyüşmüşdür, böyük itkilər vеrmişdir. Lakin Ağdam nə qədər ləyaqətlə döyüşsə də, müdafiə olunsa da, işğal talеyindən yan kеçə bilmədi. Şübhəsiz ki, Ağdamın işğalı еrməni təcavüzünün nəticəsi idi. Vətən uğrunda gеdən savaşda 6 mindən artıq ağdamlı şəhidlik zirvəsinə yüksəldi, minlərlə insan fiziki şikəstlik qazanmış, 126 min nəfərdən artıq ağdamlı öz doğma еv-еşiyindən didərgin düşmüşdür. Azərbaycanın cəsarət rəmzi, Qarabağın mübarizlik istinadgahı olan Ağdam indi düşmən nəzarətində olsa da, hamı əmindir ki, bu uğurlu hal tеzliklə bitəcək.
Amma artıq o çətin günlər arxada qalıb. Dağlıq Qarabağın və ətrafındakı rayonların işğaldan azad olunması istiqamətində mütəmadi addımlar atılır. Ölkə Prezidenti İlham Əliyev torpaqlarımızın işğaldan azad olunması istiqamətində qətiyyətli siyasət yürüdür. Bununla yanaşı, bu gün qaçqın və məcburi köçkünlərin sosial rifahının yaxşılaşdırılması, onların yaşayış səviyyəsinin normallaşdırılması istiqamətində də məqsədyönlü fəaliyyət nümayiş olunur. Artıq çadır şəhərcikləri ləğv olunub, yeni qəsəbələr salınır. Bu isə bir daha güclü, iqtisadi cəhətdən möhkəm dayaqlara malik Azərbaycan dövlətinin bütün problemlərin öhdəsindən gəlmək iqtidarında olmasını göstərir. Bütün Ağdamlılar yaxın zamanda torpaqlarımızın işğaldan azad olunacağına inanır və öz yurd-yuvalarına qovuşacaqları günü səbrsizliklə gözləyirlər.
Məcburi köçkünlər onlara göstərilən diqqət və qayğıya görə Abşeron rayon icra hakimiyyətinin başçısı Zakir Fərəcova minnətdarlıqlarını bildiriblər. Sonda Abşeron rayonunda məskunlaşmış Ağdam rayonundan olan 9 şəhid ailəsinə Abşeron rayon icra hakimiyyəti tərəfindən maddi yardım təqdim olunub.
Qeyd edim ki,
hal-hazırda Abşeron rayonunda 1524 (5793 nəfər) Ağdamlı məcburi köçkün ailəsi məskunlaşıb