Xırdalan şəhər Heydər Əliyev Mərkəzində Abşeron rayon təhsil işçilərinin ənənəvi sentyabr konfransı kecirildi . Tədbirdə rayon icra hakimiyyətnin başçısı Iradə Gülməmmədova, idarə və müəssisə rəhbərləri, təhsil işçiləri, pedeqoji kollektiv və 2014-2015 ci tədris ilində yüksək bal toplayan ,həmcinin ölkəmizin müxtəlif ali təhsil universitetlərinə qəbul olan tələbələr iştirak etdi. Əvvəlcə tədbir iştirakçıları Ümummilli lider Heydər Əliyevin abidəsini ziyarət edərək ruhuna hörmət və ehtiramlarını bildirdilər.
Daha sonra konfrans Heydər Əliyev Mərkəzində davam etdirildi. Tədbir Azərbaycan respublikasının dövlət himninin səsləndirilməsi ilə başladı. Abşeron rayon təhsil işçilərinin konfransında çıxış edən təhsil şöbəsinin müdiri Kamran Rzayev 2014-2015-cü tədris ilinin yekunları barədə məlumat verdi. bildirdi ki , məzunların ali məktəblərə qəbulu keçən illərə nisbətən bu il daha yüksək olub və ali məktəblərə məzunların 71,9 % yeni 1302 nəfər sened verib və onlardan 877 nəfəri tələbə adını qazanıb. Bu da keçən dərs ilinə nisbətən 3 % yüksək nəticədir. Yola saldığımız tədris ilində rayonun təlim tərbiyə müəssisələrində bir sıra müsbət işlər görülüb,uğurlu nəticələr əldə edilib məktəblərdə təlim tərbiyənin keyfiyyəti yüksəldilib,məktəb-ictimaiyyət-valideyn münasibətləri xeyli yaxşılaşdırılıb.2014-2015 cü dərs ilinin əvvəlki illə müqayisəsi göstərir ki, təkcə bir tədris ilində rayon üzrə məktəblərdə şagird sıxlığı sabit saxlanılmaqla yeni dərs ilində artım 162 sinifdə 4073 nəfər şagird artımı olacaq. artım nəticəsində məktəblərdə şagird sıxlığı yüksəlib. Bu sıxlığı aradan qaldırmaq məqsədilə Xırdalan şəhərində 10 №-li, Mehdiabad qəsəbəsində 4 №-li tam orta məktəb, Xırdalan 1, 4 və 7 saylı tam orta məktəblərdə əlavə tədris korpusu istifadəyə verilib. Nəticədə bu sıxlıq əsasən aradan qaldırılıb. Eləcə də, gənc nəsilin təlim-tərbiyəsində uğurlarına görə Xırdalan şəhər 2 №-li və Masazır kənd 2 №-li tam orta məktəblər ölkə prezidenti cənab İlham Əliyevin sərəncamı ilə “İlin məktəbi” müsabiqəsinin qalibi olub. Konfransda Abşerondan olan olan gənclərin Azərbaycan təhsilində qazandıqları uğur və naliyyətlərdən danışıldı. Təhsil şöbəsinin mudiri konfrans iştirakçılarının diqqətinə catdırdı ki , Xırdalan şəhəri 3 №-li tam orta məktəb-liseyin məzunu İsgəndərov Əli Rauf oğlu qəbul üçün ən yüksək olan 700 bal toplayıb. Xırdalan şəhəri 5 №-li məktəbin məzunu Zalov Günel 690 bal, Xırdalan 9 №-li məktəbin məzunu Rəfizadə Mehdi 688 bal, Saray 3 №-li məktəbin məzunu Şıxıyev Lalə 680 bal, Novxanı 2 №-li məktəbin məzunu Ələskərov İsa 670 bal, Xıradlan 3 №-li məktəbin məzunu Mehdizadə Billur 669 bal, Mehdiabad 1 №-li məktəbin məzunu Maxvirəti Feruz 661 bal, Xırdalan 6 №-li məktəbin məzunu Ələkbərov Coşğun 659 bal, Xırdalan 2 №-li məktəbin məzunları Kərimov Mustafa 657 bal və Abbaslı Toğrul 655 bal toplayıb. Digər məzunlarımız isə 600-650 bal arası nəticələr göstərib.Bundan başqa yeni dərs ilinin başlaması ilə əlaqədar qarşıya qoyulan tələblər və yeni tədrs ilinə hazırlıqlar barədə də məlumat verilib.Vurğulanıb ki, məktəblərin maddi-texniki bazası müasir standartlara uyğun olaraq yenidən qurulub,məktəblərdə metodiki səviyyəni yüksəltmək üçün rayon müəllimləri müntəzəm olaraq ixtisasartırma kursalarına ezam olunub.
Daha sonra konfransda cıxış edən Abşeron rayon təhsilində 700 balla ilk olaraq tarixə imza atan 2014-2015 ci ilin məzunu olan Əli İsgəndərovun təhsil aldığı Xırdalan şəhər 3 nömrəli tam orta məktəbin direktoru Sevinc Əliyeva və bu ildə ölkə başçısının sərəncamı ilə ilin məktəbi adını qazanmış Xırdalan şəhər 2 nömrəli tam orta məktəbin direktoru Ədalət Camalova əldə etdikləri uğurlara görə prezident İlham Əliyevə öz minnətdarlıqlarını ifadə etdilər. Təhsil Nazirliyinin şöbə müdiri Aydın Əhmədov əsası ümummilli lider Heydər Əliyev tərəfindən qoyulan siyasətdə təhsil sahəsinə diqqətin prioritet olduğunu,Prezident İlham Əliyevin rəhbərliyi ilə bu siyasətin yeni mərhələyə qədəm qoyduğunu bildirərək ümümilikdə Azrəbaycan təhsilinin gələcək planaları haqqında ətraflı məlumat verib.
Təhsil sahəsində qazanılan uğurlar münasibəti ilə müəllimləri və tələbə adını qazanan şagirdləri təbrik edən Abşeron Rayon İcra Hakimiyyəti başçısı İradə Gülməmmədova bildirdi ki,Azərbaycanda təhsilin və elmin inkişafına yüksək səviyyədə dövlət qayğısı göstərilir. Bu sahələrin tərəqqisi isə öz növbəsində ölkəmizin sürətli inkişafına töhfəsini verir. Azərbaycan dövlətinin reallaşdırdığı siyasətin əsasında duran prioritetlərdən biri də insan kapitalının daha da inkişaf etdirilməsidir. Bu baxımdan təhsil sahəsinə qoyulan investisiyalar mühüm əhəmiyyət kəsb edir.İcra bascisi bildirdi ki,təhsilin yeni mərhələyə qədəm qoyması, onun maddi-texniki bazasının möhkəmlənməsində Heydər Əliyev Fondunun da müstəsna xidmətləri var. Fondun “Yeniləşən Azərbaycana yeni məktəb”, “Təhsilə dəstək”, “Uşaq evləri və internat məktəblərinin inkişafı” proqramları və digər layihələri bu sahənin inkişafında mühüm rol oynayıb. Həmin proqram və layihələrin uğurlu olmasını şərtləndirən əsas amillərdən biri də Heydər Əliyev Fondunun prezidenti Mehriban Əliyevanın bu məsələləri daim diqqətdə saxlamasıdır.İradə Gülməmmədova konfrans iştirakçılarının diqqətinə catdırdı ki, son illərdə rayonda məktəb binası və əlavə korpuslar tikilib, təmirə ehtiyacı olan məktəblər isə əsaslı təmir edilib.
Konfransda yeni dərs ilində qarşıda duran məsələlər də müzakirə olundu,çıxış edən müəllimlər təhsilə göstərilən diqqət və qayğıya görə ölkə başçısına minnətdarlıq etdilər.
Tədbirdə 700 balla Azerbaycan Diplomatik Akademiyasının tələbəsi adını qazanmış Xırdalan şəhər 3 nömrəli tam orta məktəbin məzunu Əli İsgəndərov təhsil sahəsində qazanılan bu uğurların ölkə başçısı İlham Əliyevin təhsil sahəsinə göstərdiyi qayğının nəticəsi olduğunu bildirdi.
Daha sonra Abşeron rayon icra hakimiyyəti başçısının sərəncamı ilə bir necə məktəb direktoru fəxri fərmanla mukafatlandırıldı. Konfransda ali məktəblərə daxil olaraq tələbə adını qazanan şagirdlərə qiymətli hədiyyələr təqdim olundu.Sonda konfrans iştirakçıları adından Prezident Ilham Əliyevə müraciət mətni oxunub.
Baş readktor: Şamo Əliyev
