2
015-ci il sentyabrın 11-də Abşeron Rayon İcra Hakimiyyəti başçısı xanım İradə Gülməmmədovanın Saray qəsəbə sakinləri ilə səyyar görüşü keçirildi. Görüşdə rayon rəhbəri ilə yanaşı, Rayon İcra Hakimiyyəti başçısının müavinləri, aparatın şöbə müdirləri, məsul işçiləri, hüquq mühafizə orqanlarının, dövlət idarə, müəssisə və təşkilatlarının, xidmət sahələrinin rəhbərləri və 147 nəfər qəsəbə sakini iştirak edirdi. Görüşü Rayon İcra Hakimiyyətinin başçısı xanım İradə Gülməmmədova açaraq Azərbaycan Respublikasının Prezidenti cənab İlham Əliyevin rəhbərliyi altında ölkədə abadlıq və quruculuq sahəsində, həmçinin sosial – iqtisadi sahədə əldə edilmiş nailiyyətlər barədə ətraflı məlumat verdi. İ.Gülməmmədova Prezident cənab İlham Əliyevin vətəndaş müraciətlərinə həssas münasibət göstərmək barədə tapşırıqlarının rayonda diqqət mərkəzində saxlanıldığını vurğulayıb. Bildirib ki, vətəndaşların problemlərinin həlli, ilk növbədə, onların qayğılarını vaxtında öyrənməkdən, hər bir insanın irəli sürdüyü məsələni, etdiyi xahiş və təklifi diqqətlə araşdırmaqdan asılıdır. Daha sonra qəsəbə sakinlərindən Xanbala Məmmədov, Mahirə Qasımova, Ağasif Tahirov, İlham Rəcəbov, Mələk Səmədova və başqaları çıxış edərək qəsəbədə gedən abadlıq və quruculuq işlərinə görə ölkə rəhbərliyinə minnətdarlıqlarını bildirdilər və onları narahat edən bəzi nöqsan və çatışmazlıqların aradan qaldırılmasını xahiş etdilər. Rayon İcra Hakimiyyəti başçısı xanım İradə Gülməmmədova sakinlər tərəfindən qaldırılan məsələlərin həlli ilə əlaqədar aidiyyəti qurum rəhbərlərinə konkret tapşırıqlar verdi.
Qeyd edim ki, qəsəbədə 3 tam orta məktəb, 2 uşaq bağçası, 1 musiqi məktəbi, 1 xəstəxana, 2 rabitə evi, kitabxana, 3 aptek, şadlıq evi, 1 ATS, 7 saylı internat evi, 1 xeyir-şər evi, onlarca iaşə, ticarət və məişət obyektləri fəaliyyət göstərir.
Qəsəbə ərazisində 4866 təsərrüfatda 24347 nəfər əhali yaşayır, həmçinin qəsəbədə 650 təsərrüfatda isə 2401 nəfər məcburi köçkün məskunlaşmışdır
Baş redaktor: Şamo Əliyev
