Yeni ailə quranların Abşeron rayon Heydər Əliyev Mərkəzində təntənəli şəkildə nigah mərasiminin keçirilməsi artıq ənənə halını almışdır. Nigah mərasimlərinin burada qeyd olunması valideynlərin və bütövlükdə gənclərin sevincinə və ruh yüksəkliyinə səbəb olur. Belə tədbirlər həm də gənc ailə quranların məsuliyyətini daha da artırır.
Növbəti nigah mərasimlərindən biri də 11 Sentyabr 2015-ci il tarixində Abşeron rayon Heydər Əliyev Mərkəzində Xırdalan sakini, gənc tar ifacısı, “Milli Konservatoriyanın ” müəllimi Nahid Məmmədov və Orucova Səbinənin nigah mərasimi oldu.
Ailə quran gənclər əvvəlcə Ümummilli lider Heydər Əliyevin abidəsi önünə gül dəstələri düzərək xatirəsini ehtiramla yad etdilər. Gənclər, həmçinin Mərkəzdə Ulu Öndərin zəngin və mənalı ömür yolunu əks etdirən eksponatlarla və fotoşəkillərlə tanış oldular.
Heydər Əliyev Mərkəzinin direktoru Tükəzban Həsənova yeni ailə həyatı quran gənclərə ən xoş arzularını bildirdi. Gənclər nigah mərasiminin dahi rəhbərin adını daşıyan Mərkəzdə keçirilməsindən qürur duyduqlarını vurğulayaraq, bu günün onların həyatında ən xöşbəxt gün, ən yadda qalan hadisə olduğunu qeyd etdilər və onlara belə bir şəraiti yaratdığı üçün rayon rəhbərliyinə öz minnətdarlığını bildirdilər.
Redaktor: Ayşə Bayramova