İyulun 26-da Gürcüstan paytaxtındakı Mixeil Mesxi stadionunda “Tbilisi-2015” 13-cü Avropa Gənclər Olimpiya Festivalında Abşeronun idmançısı uğurlu nəticə göstərib
Azərbaycanda cüdoçu qızlar arasında ilk finalist olan Şəfəq Həmidova olkəmizin bayrağını yüksəklərə qaldırıb. 40 kq çəki dərəcəsində mübarizə aparan Abşeron idmançısı Şəfəq Həmidova ardıcıl olaraq Kipr, İtaliya, Avstraliya, finalda isə Russiyadan olan rəqiblərini məğlub edərək 13-cü Avropa Gənclər Olimpiya Festivalının qızıl medalına sahib olub.
Onu da qeyd edək ki, Şəfəq Həmidova 16 noyabr 1999- cu ildə Abşeron rayon Saray qəsəbəsində anadan olumuşdur. Saray qəsəbə 1 saylı tam orta məktəbinin 9-cu sinif şagirdidir.
Şəfəq cüdoyla 12 yaşından məşğul olmağa başlayıb. Məşqlərini oxuduğu məktəbin idman zalında keçən cüdoçumuz, uğurlarını baş məşqçisi, Əməkdar məşqçi Zaur İskəndərova borclu olduğunu bildirib.
Şəfəq 16 yaşı olmağına baxmayaraq bundan öncədə bir çox qalibiyyətlər qazanaraq rayonumuzun və ölkəmizin fəxri olmuşdur. 2014- cü ildə cüdoçumuz Azərbaycan mükafatçısı adına laiq görülmüşdür. Növbəti uğurunu 2014- cü ildə kecirilmiş Həzi Aslanov turnirində qazanaraq qızıl medalın sahibi olmuşdur. Türkiyənin Antalya şəhərində keçirilmiş Avropa Kubokunda isə Şəfəq ölkəmizə gümüş medal qazandırmışdır.
Xüsusi ilə qeyd edək ki, Şəfəq Həmidova 2013- cü ildə Rusiyanın Anapa şəhərində finalda Ermənistalı rəqibini məğlub edərək, qızıl medal qazanmışdır. Şəfəq belə gənc yaşda qazandığı bu ugurları ilə məşqçisinin və məktəbinin adını bütün Azərbaycana tanıtmışdır.
Sonda Şəfəq qeyd etdi ki,qazandığı bütün uğurularında ona maddi və mənəvi dəstək olan Rayon rəhbəri xanım İradə Gülməmmədovaya və Abşeron rayon Gənclər idman idarəsinin rəisi Əsgər Əmirəliyevə təşəkkürümü bildirirəm
Redaktor : Ayşə Bayramova.
