Xırdalan şəhər 2 nömrəli tam orta məktəbdə "Riyaziyyat gecəsi" keçirilb.
Tədbirdə məktəbin müəllim və şagird kollektivi ilə yanaşı Təhsil şöbəsinin əməkdaşları, rayonun digər ümumtəhsil məktəblərinin şagirdləri və valideynlər də iştirak edirdilər.
Tədbir Azərbaycanın Dövlət himninin səslənməsi ilə başladı.
"Əyləncəli riyaziyyat gecəsi"ni giriş sözü ilə məktəbin direktoru Ədalət Camalova açaraq məktəbin uğurlarından və qarşıda duran vəzifələrindən söz açdı.
Məktəbin həm ibtidai, həm də 5-b və 7-d sinif şagirdləri öz bacarıq və biliklərini nümayiş etdirdilər. Dahi şəxsiyyətlərin riyaziyyat haqqında aforizmləri, yumoristik dialoqlar, şeirlər səsləndi, səhnəciklər göstərildi. Şagirdlər həmçinin hazırladıqları rəqs və musiqi çələngilə tədbiri daha da rəngarəng etdilər.Şagirdlərin riyaziyyata həsr olunmuş divar qəzetlərinin nümayişi isə təqdirəlayiq bir hal kimi qarşılandı.
Sonra videoçarx nümayiş etdirildi və şagirdlər arasında intellektual oyun keçirildi.
Sonda intellektual oyunda qalib gələn şagirdlərə Şaxta baba tərəfindən hədiyyələr verildi.
