Abşeron qəzetinin yeni sayı
«    İyul 2018    »
BeÇaÇCaCŞB
 1
2345678
9101112131415
16171819202122
23242526272829
3031 
29-12-2015, 15:54 Oxunub: 1262

Rəşad Məcidin Mehdiabad məktəbliləri ilə görüşü keçirilib

Rəşad Məcidin Mehdiabad məktəbliləri ilə görüşü keçirilib Axırıncı dəfə orta məktəbdə beş il öncə olmuşam. Ötən gün isə şair Rəşad Məcidin Abşeron rayonu Mehdiabad qəsəbəsi 4 saylı tam orta məktəbdə gənclərlə görüşündə iştirak etdim. Bu, mənim üçün həm ədəbi səyahət, həm də universitet dönəmindəki yadırğanmış keçmişimə qayıdış idi.

Şairi məktəbin girişində üzlərindən sevinc oxunan uşaqlar qarşıladı. Onların səsini eşitmək, məktəbin öncüllərinin "xoş gəldiniz, müəllim" sədalarıyla şairi qarşılamaları fərəhli bir mənzərəydi. Ardınca ikinci mərtəbədəki akt zalında şagirdlərin, müəllimlərin şairi gözlədiyi otağa daxil olduq.

Tədbir məktəbin direktoru, filologiya elmləri doktoru Elnura Cavadzadənin açılış sözləriylə başladı. Ancaq görüş sona qədər Rəşad Məcidlə məktəblilərin aktiv ünsiyyəti ilə keçdi. Çoxlu suallar hazırlanmışdı və bu sualların əksəriyyəti şairin şeirlərindən çıxarışlar idi. Bu isə söhbəti bir az da maraqlı edirdi. Bundan əlavə, Rəşad Məcid haqqında başqa-başqa ədiblərin fikirləri səsləndirilir, şeirlər oxunurdu. Şagirdlərin məktəb dərsliklərindən sanki bir pillə yuxarı, bir az da ciddi, sanballı yanaşma ilə ədəbi məclis qurmaları, əlbəttə, sevindirici idi.

Elnura Cavadzadə şairi məktəblilərə təqdim etdi: "Rəşad Məcid vətəndaş şairdir. O, gənc istedadlara hər zaman yol açan, dəstək olan insandır. Bunu xüsusilə vurğulamaq istəyirəm ki, göstərdiyi qayğı təmannasızdır. Mənim ilk kitabımın redaktoru Rəşad Məcid olub. Gənc istedadları arayıb-axtarması, dəstəyi elə bundan da bəllidir".

Rəşad Məcid isə çıxışına mütaliə və ədəbiyyatla bağlı fikirləri ilə başladı: "Təhsil Nazirliyinin əmri ilə, mütaliə vərdişlərinin genişləndirilməsi üçün şagirdlərlə yazıçıların, şairlərin görüşləri keçirilir. Bizim ilk görüşümüz Xalq yazıçıları Anar və Çingiz Abdullayevlə birgə 23 nömrəli məktəbdə oldu. Bundan başqa Zərifə Əliyeva adına Liseydə də görüşümüz keçirildi. Hesab edirəm ki, bu görüşlərin gənclərin, məktəblilərin mütaliə vərdişlərinin inkişafında rolu var və onlarda müəyyən stimul yaradır. Bu məktəbə isə ilk dəfə gəlirəm. Gənclər soruşa bilərlər ki, mütaliə vərdişləri nə üçün önəmlidir... Əvvəla, bizim tariximiz, milli yaddaşımız məhz bədii mətnlərdə, yazıçıların, şairlərin əsərlərində yaşayır. Həm mənəvi dünyamızı zənginləşdirmək, həm də keçmişimizə bələd olmaq üçün oxumaq, mütaliə zəruridir. Eyni zamanda bizim ictimai anlamda ciddi bir problemimiz də var. Televiziyalardakı proqramlar, teleşoular və digər vasitələr bizə nitq mədəniyyətimizin müəyyən hissəsini təqdim edir. Problemlər isə göz qabağındadır. Azərbaycan dilində səlis, rahat danışmağı bacarmayanların ən başlıca problemi, əlbəttə, mütaliəsiz olmalarıdır. Bu anlamda keçmişimizi, tariximizi bilmək və nitq, danışıq mədəniyyətinin formalaşması üçün mütaliə və ədəbiyyat önəmlidir".

Görüş zamanı şairin həyat və yaradıcılığı ilə bağlı videoçarx təqdim olundu. Tədbir olduqca dinamik və rəngarəng idi. Misal üçün, şairin "Yanıq Kərəmi" şeirinin sazın müşayiəti ilə səsləndirilməsi olduqca emosional alındı. Bundan əlavə çıxışlardan da görünürdü ki, məktəbin istedadlı uşaqları heç də az deyil. Onların arasında idman üzrə çempionlar da var idi, məharətli gənc ifaçılar da.

Məktəbin müəllimi Günel Alışlı şairin bioqrafiyası barədə çıxış etdi: "1964-cü ildə dünyaya göz açıb, Bakı Dövlət Universitetinin Jurnalistika fakültəsini bitirən, hazırda "525-ci qəzet"in baş redaktoru, Azərbaycan Yazıçılar Birliyinin Katibi, Azərbaycan Mətbuat Şurası İdarə Heyətinin üzvü olan Rəşad Məcid "Hələ ki vaxt var", "10 sentyabr", "Əlvida və salam", "Dəlicəsinə", "Çiyələk qadın" kitablarının müəllifidir. Rəşad Məcidin yaradıcılığı çoxşaxəlidir. O, şeir də yazır, hekayə də. Publisistik məqalələr də qələmə alır, ədəbi-tənqidi yazılar da. Rəşad Məcidin fəaliyyətində ən uzunömürlü sahə isə publisistikadır. O, 1988-ci ildən - Qarabağa həsr olunmuş məqalələrini çap etdirəndən bu günə qədər publisistikayla ardıcıl şəkildə məşğul olur. Rəşad Məcidin publisistik məqalələri təsirli monoloq kimi səslənir. Bu monoloqlarda cəmiyyətin nəbzi döyünür. Müxtəlif illərdə yazılmış "Yeni paytaxt ehtiyacı", "Səfərin təzəsi, dostun köhnəsi", "Əlvida və salam", eləcə də digər publisistik məqalələrində müasir cəmiyyətin doğurduğu konkret məsələlərlə bağlı müşahidələr və mühakimələr var. Şair Rəşad Məcidə görə, şeir "bir dolu ürəyin püskürmə çağı"dır, "dikəlib asfaltı deşən bənövşə"dir. Onun şeirlərinin mövzusu müxtəlifdir. Dünya, vətən, ictimai motivlər, milli duyğular, sevgi, təbiət... Şair böyük ədəbiyyata gedən yolda sələflərindən də bəhrələnərək öz sözünü deməyi bacarıb. Rəşad Məcidin şeirləri həyata lirik-romantik baxışın orijinal ifadəsidir".

Tədbirdə çıxışlarla yanaşı suallar da çox oldu və şair məktəblilərin suallarını ətraflı cavablandırdı. Tədbirin sonunda Rəşad Məcid iştirakçılara imzalı kitablarını təqdim etdi.

Müşfiq ŞÜKÜRLÜ

Rəşad Məcidin Mehdiabad məktəbliləri ilə görüşü keçirilib
Rəşad Məcidin Mehdiabad məktəbliləri ilə görüşü keçirilib
Rəşad Məcidin Mehdiabad məktəbliləri ilə görüşü keçirilib
XƏBƏR LENTİ
16:57 | Xırdalan sakinlərinə şad xəbər - yolların asfalt örtüyü yenilənir 16:16 | AZTV-Artıq 7 ildir ki, Abşeron rayonu dotasiya almadan bütün xərclərini yerli daxilolmalar hesabına maliyyələşdirir. 15:41 | Xırdalan şəhərində nümunəvi həyətlərin qurulmasına start verildi 13:50 | Abşeronun iki yaşayış məntəqəsinə qaz xətti çəkilir 13:30 | Xırdalanda içməli su xəttinin 94,8 kilometri, kanalizasiya xəttinin isə 52,8 kilometri artıq çəkilib 18:15 | Abşeronda elektrik enerjisi təchizatı yenilənir 18:00 | Masazır və Novxanı sakinlərinə şad xəbər! 15:17 | İcra başçısı vətəndaşların fərdi qaydada növbəti qəbulunu keçirdi 16:03 | Xanım başçı növbəti səyyar qəbul keçirdi 15:04 | Abşeronda bu məscid təmir olunacaq 14:03 | İradə Gülməmmədovanın fransız jurnalist Alain Roumestand ilə görüşü keçirildi. 13:08 | Gənclər və idman naziri Abşeron rayonunda vətəndaşları qəbul edib 15:16 | Azərbaycan polisinin 100 illik yubileyi Abşeron rayonunda təntənəli qeyd edilib 17:51 | Azad Rəhimov Abşeronda vətəndaşları qəbul edəcək 17:34 | Abşeron rayonuna yeni rəis təyin olundu 16:37 | Xırdalan musiqi məktəbinin şagirdləri Beynəlxalq müsabiqənin qalibi olublar 12:13 | Abşeron rayonunda təmizlik və yaşıllaşdırma işləri çərçivəsində iməcilik keçirilib 19:46 | Hüseyin Həsənov doğum günündə təltif olundu 10:52 | BMU-da möhtəşəm məzun günü keçirildi 10:38 | Azərbaycan ordusu-100 - Gürcüstanda tədbir keçirilib - FOTOLAR 20:53 | Xırdalanda Milli Ordunun yaranmasının 100 illiyi ilə əlaqədar tədbir keçirildi 18:10 | Tbilisidə Ulu Öndərin abidəsi ziyarət olunub