Xırdalan şəhər 3 nömrəli tam orta məktəbin idman zalında Abşeron rayon Gənclər və İdman İdarəsi tərəfindən Yeniyetmələrin XIX rayon spartakiadasının proqramına daxil olan idmanın voleybol növü üzrə rayon birinciliyi keçirilib
Ümumilikdə 36 komandanın iştirak etdiyi yarış 4 zona üzrə kecirilib və zona yarışlarında I və II yeri tutan komandalar yarışmanın 1/8 mərhələsinə vəsiqə qazanıblar
Final görüşündən önçə çıxış edən Abşeron rayon Gənclər və İdman İdarəsinin rəisi Əsgər Əmirəliyev bildirib ki, bu səpkidən olan yarışların təşkil edilməsi rayonda voleybol idman növünün inkişaf etdirilməsi, yeniyetmələrin bu idman növünə maraqlarının artırılması və asudə vaxtlarının səmərəli təşkili, həmçinin voleybol oyunu üzrə rayonun ən güclülərinin müəyyənləşdirilməsi məqsədi daşıyır
O həmçinin qeyd edib ki, Abşeron Rayon Gənclər və İdman İdarəsi dövlətimizin idmanın inkişafı istiqamətində apardığı siyasətə öz əməli ilə dəstək verən qurumlardan biridir.
İdarə tərəfindən mütəmadi olaraq rayonda idmanın müxtəlif növləri üzrə yarışların təşkil olunduğu da diqqətə çatdırılıb.
Yarışın nəticəsinə görə I yeri Saray 3 nömrəli tam orta məktəbin komandası, II yeri Aşağı Güzdək tam orta məktəbin komandası, III yeri Xırdalan şəhər 4 nömrəli tam orta məktəbin komandası tutub.
Sonda qaliblərə Abşeron Rayon Gənclər və İdman İdarəsinin diplom və hədiyyələri təqdim olunub
Şamo Əliyev