Xocalı faciəsinin 24-cü idönümü ilə əlaqədar Xırdalan şəhər 1 saylı tam orta məktəbdə Xocalı döyüşcüsü şairə Familə Fərmanlı ilə şagirdlərin görüşü keçirilib. Azərbaycan Yazıcılar Birliyi Abşeron bölməsinin təşkilatçılığı ilə baş tutan görüşdə bölmənin sədri yazıcı Şəhla Ağbulud Xocalı faciəsi barədə danışaraq ilk qadın döyüşcü, şairə Familə Fərmanlı haqqında məlumat verib. Onun həyat və yaradıcılığından söz açıb.
Şagirdlərlə görüşündən məmnun olduğunu bildirən Familə Fərmanlı döyüş yolundan, batalyon komandirindən, silahdaşlarından, ağır qanlı döyüşlərdən danışıb. Şadirdləri maraqlandıran sualları cavablandırıb.
Sonra döyüşçü şairə haqqında yazılmış kitabın ön sözünün müəllifi şair-tərcüməci Hafiz Rüstəm Familə Fərmanlının həyatının bir cox məqamlarına toxunaraq, onun necə cəsur döyüşcü olmasından danışıb.
Şairlər Rəna Mərzili, Dilsuz Musayev, Xaliq Lacınlı Xocalıya və Familə xanıma həsr etdikləri şeirlərini oxuyublar. Şagirdlər isə Familə Fərmanlının şeirlərini əzbər söyləyıblər.