Abşeron Rayon İcra hakimiyyətinin başçısı İradə Gülməmmədovanın rayonun Görədil kəndində sakinlərlə səyyar qəbul-görüşü keçirilib. Görüşdə rayonun hüquq-mühafizə orqanlarının, səhiyyə, təhsil, mədəniyyət, digər xidmət təşkilatlarının rəhbərləri və kənd sakinləri iştirak edib.
Rayonun kənd və qəsəbələrində yaşayan əhali ilə mütəmədi olaraq görüşlərin keçirildiyini və bunun artıq ənənə hal aldığını vurğulayan İ.Gülməmmədov Abşeronda son 10 ildə həyata keçirilən quruculuq-abadlıq işlərindən danışıb. Rayonda kəndlərarası yol infrastrukturunun yeniləndiyini, əhalinin fasiləsiz təbii qaz, elektrik enerjisi və su ilə təmin edildiyini deyən icra başçısı bu istiqamətdə həyata keçirilən işlərim davamlı olacağını, yeni salınan məhəllələrin lazimi kommunikasiya xəttləri ilə təmini istiqamətdə mühüm addımların atıldığını bildirib.
Görədilin Abşeron rayonunda əhali sayına görə ən kiçik kənd olduğunu və buna baxmayaraq burada yaşayan sakinlərin sayının günü-gündən böyüdüyünü bildirən İ.Gülməmmədova bu səbəbdən də təbii olaraq müəyyən təlabatların yarandığını və onların da qarşılanması üçün lazimi tədbirlərin görüldüyünü qeyd edib. Kənd ərazisində fəaliyyət göstərən məktəbin yenidən qurulduğunu, istilik sistemi ilə təchiz edildiyini vurğulayan başçı bildirib ki, hazırda Görədildə yeni uşaq bağçası tikilməkdədir. Bu istiqamətdə aparılan inşa işlərinin sürətləndirilməsinin vacibliyini qeyd edən İ.Gülməmmədova kənddə yeni salınan yaşayış məntəqələrinin bəzilərində içməli su probleminin olduğunu, lakin problemin həlli üçün tədbirlərin həyata keçirildiyini söyləyib.
Daha sonra kənd sakinlərindən Baba Rzayev, Vahid Daşdəmirov, Firdovsi Əliyev, Vaqif Quliyev və digərləri çıxış edərək rayon icra başçısının kənd və qəsəbələrdə səyyar görüşlərinin keçirməsinin çox böyük əhəmiyyət daşıdığını, əhali tərəfindən irəli sürülən təkliflərinin reallaşmasında və problemlərin həll olunmasında müstəsna kömək etdiyini bildiriblər.
Abşeron rayonunda, eləcə də Görədil kəndində aparılan quruculuq və abadlıq işlərinə görə təşəkkür edən sakinlər aşma təhlükəsi olan işıq dirəklərinin dəyişdirilməsini, qonşu kəndə qədər gələn marşrut avtobuslarının qət etdiyi məsafənin uzadılmasını, pensiyaçıların pensiyalarını çıxartmaq üçün kənd ərazisində bankomatın qoyulmasını xahiş ediblər.
Sakinlər tərəfindən qaldırılan məsələlərin mümkünləri yerindəcə həll olunub, müəyyən vaxt və vəsait tələb edən digər məsələlərin həlli istiqamətində isə müvafiq tapşırıqlar verilib.
Görüşün yekununda İ.Gülməmmədova bildirib ki, sakinlərlə səyyar görüşlərin keçirilməsi bundan sonra da davam etdiriləcək. burada məqsədin əhalinin təklif və problemlərini dinləmək, onların həlli istiqamətində addımlar atmaq olduğunu qeyd edən başçı əlavə edib ki, dövlət başçısının tapşırığına uyğun olaraq, digər ərazilərdə olduğu kimi, Abşeron rayonunda da əhalinin məşğulluq səviyyəsinin artırılması istiqamətində işlərin gürülür, bu yöndə sakinlər tərəfindən irəli sürüləcək təkliflərə Rayon İcra Hakimiyyətinin açıqdır.
Tədbirdən sonra İ.Gülməmmədova və rayonun hüquq-mühafizə orqanlarının, səhiyyə, təhsil, mədəniyyət, digər xidmət təşkilatlarının rəhbərlərinin iştirakı ilə Görədil kənd tam orta məktəbinin həyətində ağaclar əkilib.
[/center]