Abşeron rayon İcra Hakimiyyətinin, rayon Gənclər və İdman idarəsinin təşkilatçılığı ilə “Erkən nikah: Səbəb və ağır nəticələri” mövzusunda maarifləndirmə tədbiri keçirilib. Qafqaz Universitetində baş tutan tədbirdə adıçəkilən Abşeron RİH-nin, Gənclər və İdman idarəsinin, YAP Abşeron rayon təşkilatının Gənclər Birliyinin, Qeydiyyat, Təhsil, Səhiyyə şöbələrinin məsul işçiləri və tələbələr iştirak ediblər.
Tədbirdə Qeydiyyat şöbəsinin rəisi Tahirə Əsgərova erkən nikahlar və onların yaratdığı problemlər haqqında ətraflı şıxış edib.
Abşeron rayon Gənclər və İdman İdarəsinin rəisi Əsgər Əmirəliyev də rayonda nikah, boşanma, erkən nikah halları ilə bağlı statistik göstəricilər haqqında iştirakçılara ətraflı məlumat verib. O, rayonda erkən nikah hallarının qarşısının alınması məqsədilə aparılan işlərdən, mütəmadi olaraq həyata keçirilən müxtəlif tədbirlərdən bəhs edərək, bütün aidiyyəti dövlət qurumlarının erkən nikah hallarına qarşı birgə fəaliyyətinin önəmini vurğulayıb.
Daha sonra Abşeron rayon İcra Hakimiyyəti Aparatının böyük məsləhətçi - Yetkinlik yaşına çatmayanların işləri və hüquqlarının müdafiəsi üzrə komissiyanın məsul katibi Hafiz Mikayılov, YAP Abşeron rayon təşkilatının Gənclər Birliyinin sədri Elgün Hümbətov, İcra hakimiyyətinin əməkdaşı Vüqar Bəşirov öz çıxışlarında erkən nikah hallarının cəmiyyət üçün yaratdığı fəsadlardan, bu cür halların gənc qızların təhsildən yayınmasına və səhhətlərinə birbaşa təsirindən söhbət açmış, tələbələri bu istiqamətdə maariflənməyə səsləyiblər.
