Avtomobil sektorunda dünyanın lider şirkətlərindən olan Toyota Azərbaycan bazarındakı əhatə dairəsini genişləndirir. Artıq Toyota Abşeron rayonunda da rəsmi dillerin-Toyota Abşeron Mərkəzin açıb.Açılış mərasimində Abşeron Rayon İcra Hakimiyyəti başçısının müavini – İctimai-siyasi və humanitar məsələlər şöbəsinin müdiri Fuad Cəbrayılov, Yaponiyanın Ölkəmizdəki səlahətli Səfiri Tsuquo Takahaşi, Toyota Qafqaz və Orta Asiya regionları üzrə Rəsmi Distribüterin prezidenti cənab Yuji Vaqata,Toyota Abşeron Mərkəzinin direktoru Cəmil Məmmədov, mətbuat işçiləri və digər qonaqlar iştirak ediblər.
Əvvəlcə Yaponiyanın Ölkəmizdəki səlahətli Səfiri Tsuquo Takahaşi, Toyota Qafqaz və Orta Asiya regionları üzrə Rəsmi Distribüterin prezidenti cənab Yuji Vaqata və Toyota Abşeron Mərkəzinin direktoru Cəmil Məmmədovun iştirakı ilə rəmzi lent kəsilib. Bundan sonra mərkəz ilə tanışlıq gəzintisi aparılıb.
Toyota Abşeron Mərkəzi artıq rəsmi diler ünvanını əldə edib. Toyota və Toyota Abşeron Mərkəzi arasında imzalanan müqavilə əsasında tərəflər bu addımı atmağa nail olublar. Rəsmi imzalar Toyota Qafqaz və Orta Asiya regionları üzrə Rəsmi Distribüterin prezidenti cənab Yuji Vaqata və Toyota Abşeron Mərkəzinin baş direktoru Cəmil Məmmədov tərəfindən atılıb.
Açılış mərasimində incəsənət ustalarının iştirakı ilə konsert proqramı təşkil edilib. Konsert proqramında 1000 nəfərlik tort kəsilib.
Abşeron və ətraf bölgələrdə yaşayan avtomobilsevərlər artıq bu mərkəzə gələrək Toyota avtomobilləri ilə yaxından tanış ola bilərlər. Toyota Abşeron Mərkəzinin təmsilçisi öz açıqlamasında bildirib: “Toyota Abşeron Mərkəzinin açılması bölgə üçün təqdirəlayiq haldır. Artıq Toyota avtomobillərini buradan almaq, servis xidməti və orijinal ehtiyat hissələrini əldə etmək mümkündür.”
Toyota şirkətinin təşəbbüsü ilə açılan Toyota Abşeron Mərkəzinin sayəsində yaxın bölgələrdə yaşayan insanlar komfortu və təhlükəsizliyi ilə seçilən Toyota markalı avtomobilləri rahatlıqla əldə edə biləcəklər.
Qeyd edək ki,hazırda müəssisədə yüksək ixtisaslı 30 yerli mütəxəssis çalışır. Amma gələcəkdə işçilərin sayının 60-a çatdırılması planlaşdırılır.
Şamo Əliyev