700 bal toplayan Abşeron sakini Rəvan: “Yüksək nəticə üçün ..” (Video,Foto)

Xəbər verdiyimiz kimi, Tələbə Qəbulu üzrə Dövlət Komissiyasının iyunun 15-də keçirdiyi imtahanda I və IV qruplar üzrə 6 nəfər 700 ball toplayıb.

Yüksək nəticə göstərən abituriyentlərdən biri də Xırdalan şəhəri 5 saylı orta məktəbin məzunu Rəvan Nəzərəliyevdir.

Bu 2 əkiz qardaş dünən tarix yazdı. Rəvan Nəzərəliyev 700 bal, Nurlan Nəzərəliyev isə 685 bal topladı..

Qəbul imtahanında rekorda imza atan R.Nəzərəliyev təəssüratlarını Absheronxeber-lə bölüşüb.

“Qardaşım 685 bal toplayıb, bir iki sual çətin olduğuna görə 700 toplamaq alınmadı. Amma ikimiz də yüksək nəticə göstərdik.”

Rəvan sınaqda bir dəfə 700 bal topladığını və imtahanda da belə yüksək nəticəyə inandığını dedi: “Yüksək nəticə üçün inam, səbrlə çalışmaq əsas şərtdir. Dərslərə sistemli çalışmaq lazımdır. Mən belə hazırlaşdım və yüksək nəticə göstərdim. Fürsətdən istifadə edib orta məktəb müəllimlərimə və ən yüksək nəticəni göstərməyimdə mənə, eləcə də bütün abituriyentlərinə sözün əsl mənasında qollarını geniş açan, hər bir tələbəsi üçün məsuliyyət duyan Hədəf Kurslarının müəllim heyətinə sonsuz minnətdarlığımı bildirirəm. Yeri gəlmişkən, imtahanı uğurla vermiş bütün məzunları təbrik edir, II və III qrupa sənəd vermiş abituriyentlərə uğurlar arzu edirəm.”

Rəvanın atası maşın ustasıdır, anası riyaziyyat müəllimidir. Ailədə üç qardaşdılar. Rəvan ailədə yüksək bal toplayan ilk uşaq deyil.Böyük qardaşları Rəşad isə 2013-cü ildə 677 bal yığaraq BANM-a daxil olub.

Şamo Əliyev