Sürətli inkişaf yolunda olan rayonlardan biri də Abşerondur. İradə Gülməmmədovanın gərgin əməyi və zəhməti sayəsində Abşeron sürətlə inkişaf edir, abadlaşır və yenidən qurulur. Rayonun əksər sahələrində olduğu kimi Mədəniyyət sahəsindədə böyük canlanma, dinamik inkişaf müşahidə olunmaqdadır. Hazırda rayon Mədəniyyət Mərkəzinin cari təmir olunması müassir tipli infrastrukturun yaradılması bu sahənin hərtərəfli inkişafına situmul verir.
İndi Xırdalan şəhəri ilə yanaşı, rayonun bütün kənd və qəsəbələrində də fəaliyyət göstərən mədəniyyət ocaqları əsaslı və cari təmir edilir ,yeniləri tikilir.
Qeyd edək ki, Mədəniyyət Evi 1984-cü ildə istifadəyə verilib. O vaxtdan bəri burada əsaslı təmir işləri 2006 və 2013-cü illərdə aparılıb. Hazırda isə bu binada cari təmir işləri aparılaraq ən müasir səviyyəyə çatdırılıb, incəsənət adamlarının fəaliyyəti üçün geniş imkanlar yaradılıb.
Mədəniyyət Mərkəzinin üçmərtəbəli binasında cari təmir işlərinə rayonun daxili imkanları hesabına 2016-cı ilin avqustunda başlanılıb və bu ayın 10-na kimi başa çatdırılması gözlənilir. Bu gün rayonun mədəniyyət xadimləri, incəsənət adamları ən yüksək səviyyədə rayon rəhbərliyinin qayğısı ilə əhatə olunublar.Onların sosial məsələlərinin həllinə dövlət səviyyəsində həmişə diqqət göstərilib.
Təmir işləri zamanı Rayon Mədəniyyət Mərkəzinin 400 yerlik akt zalında Abşeronun mədəni həyatında baş verən hadisələri qeyd etmək, həmçinin respublika və rayon əhəmiyyətli müxtəlif tədbirləri keçirmək üçün hər cür şərait yaradılıb. Bütün bunlar rayonun mədəniyyət və incəsənət işçilərinə yeni uğurlar əldə etmək üçün həm stimul verir, həm də geniş imkanlar yaradır.
Qeyd edək ki,cari təmir işləri başa catdıqdan sonra burada zəngin kitab fondu, oxu zalı və 20 yerlik konfrans zalı ilə yanaşı,Mədəniyyət Mərkəzində musiqi alətləri otağı, ədəbiyyat, muğam, aşıq sənəti, təsviri incəsənət, evdarlıq, heykəltəraşlıq dərnəkləri, musiqili komedyalı xalq teatrı, idman sağlamlığı dərnəkləri, milli rəqslərin öyrədilməsi dərnəyi, aiylə sağlamlıq dərnəyi fəaliyyət göstərəcək.
Şamo Əliyev