“Xırdalan” qəzetinin ilk nömrəsinin çapdan çıxmasının 10 illiyi münasibətilə noyabrın 23-də Abşeron rayon Heydər Əliyev Mərkəzində toplantı keçirilib.
Rayonunun mədəni və ictimai həyatında baş verən yenilikləri daim ictimaiyyətə çatdıran , Azərbaycan mediasında öz dəst xətti və maraqlı xəbərləri, reportajları, layihələri ilə seçilən “xirdalan.info.az” və “Xırdalan” qəzetinin 10 yaşı, qəzetin və portalın təsisçisi, baş redaktoru Anar Nağıyevin isə 38 yaşı tamam olur. Tədbirdə rayon icra hakimiyyətinin başçısının müavini Fuad Cəbrayılov, qəzetin redaktoru Anar Nağiyev, rayon ictimaiyyəti nümayəndələri, ziyalılar, Abşeron rayon İcra Hakimiyyəti aparatının nümayəndələri və media təmsilçiləri iştirak ediblər.
Dövlət himninin səslənməsi ilə başlanan tədbirə A.Nağıyev çıxış edərək Abşeronda mətbuatın azad fəaliyyəti üçün yaradılmış münbit şəraitdən, dövlətimizin inkişafında kütləvi informasiya vasitələrinin əvəzsiz rolundan söz açıb. 2006-cı ilin noyabr ayında ilk dəfə “Xırdalan” adı ilə nəşrə başlayan qəzetin yubileyi münasibətilə son bir ayda rayonda silsilə tədbirlərin keçirildiyini, oxucularla görüşlərin təşkil olunduğunu, xüsusi buraxılış hazırlandığını qeyd edib. Bildirilib ki, rayonun sosial-iqtisadi, mədəni həyatına geniş nüfuz edərək müxtəlif mövzularda yazılar dərc edən “Xırdalan” qəzeti hazırda 1000 tirajla çap olunur.
Sonra qəzetin yaranma tarixi və fəaliyyəti ilə bağlı film nümayiş etdirilib.
Daha sonra rayon Ağsaqallar şurasının sədri Nadir Ağayev,Saray qəsəbə 3 nömrəli məktəbin direktoru Təyyübə Hüseyinova,rayon Mədəniyyət və Turizim şöbəsinin müdiri İlham Manafov, Təmir -abadlıq idarəsinin rəisi Rauf Hüseyinov və başqaları qəzetin kollektivini təbrik edib, onlara uğurlar arzulayıblar.
Heydər Əliyev Mərkəzinin ərazisində gənclərin iştirakı ilə keçirilmiş fləşmobda iştirakçılar " XIRDALAN QƏZETİ 10 İL" təsvirini yaradıblar.
Bizdə öz növbəmizdə Xırdalan qəzetinin və xirdalanpress.info informasiya portalının rəhbəri Anar Nağıyev 38 illik yubleyi və rəhbərlik etdiyi qəzetin və portalın yaranmasının 10 illiyi münasibəti ilə təbrik edirik.
Sonda qəzetin əməkdaşlarına fəxri fərman və hədiyyələr təqdim edilib.
Şamo Əliyev