Xırdalanın şəhər statusu almasının 10-cu ildönümünü qeyd edən Abşeron rayonu ötən illərdə bütün istiqamətlərdə olduğu kimi idman sahəsində də böyük uğurlar qazanıb. Tarixən idmanın müxtəlif növlərinin inkişaf etdiyi Abşeronda idmançılarımız beynəlxalq yarışlarda mühüm uğurlar qazanaraq dövlət bayrağımızı ucaldır, himnimizi səsləndirirlər. Məhz bu uğurların sayəsində Xırdalan artıq respublikada idman şəhəri kimi tanınır.
Abşeron rayon gənclər və idman idarəsinin rəisi Əsgər Əmirəliyev Xırdalanın şəhər statusu almasından ötən 10-ildə Xırdalan şəhərinin idman sahəsində qazandığı nailiyyətlər barədə fikirlərini “Absheronxeber.az” xəbər portalının müxbiri ilə bölüşüb. Ə.Əmirəliyev müsahibədə deyib ki, Abşeron son 10 il ərzində həyatın bütün sahələrində, eyni zamanda idman sahəsində inkişaf əldə edib: “Abşeron idmanı respublika idman təşkilatları tərəfindən dəstəklənir”.
“Hazırda Abşeron bütün sahələrdə digər rayonlar üçün nümunədir” – deyən Ə.Əmirəliyev qeyd edib ki, bütün bunlar da rayon İcra Hakimiyyətinin başçısı İradə Gülməmmədovanın idmançılara göstərdiyi diqqət, qayğı və dəstəyin nəticəsidir: “Bu gün elə bir çempionat, yarış, olimpiada yoxdur ki, bizim idmançılarımız orada iştirak etməkdə hansısa çətinliklə üzləşsin. Halbuki 10 il əvvəl bu əlçatmaz arzu sayılırdı. Abşeron rayonunun idmana, idmançılara qayğısı Abşeron rayon icra hakimiyyətinin başçısı İradə Gülməmmədovanın onlara göstərdiyi yüksək etimaddır”.
Rayon gənclər və idman idarəsinin rəisi qeyd edib ki, ötən 10 il ərzində idmançılarımız dünyanın müxtəlif ölkələrində keçirilən yarışlarda olimpiya və qeyri-olimpiya idman növləri üzrə 1252 medal (Qızıl – 492, gümüş – 333, bürünc – 427) qazanıblar. Bunların 900-ü Azərbaycan çempionatlarından (qızıl – 355, gümüş – 243, bürünc – 322), 322-si (Qızıl – 137, gümüş – 90, bürünc - 105 ) isə beynəlxalq turnirlər, dünya və Avropa çempionatları, olimpiya oyunlarında əldə olunub. Xırdalanın ən yüksək nəticə göstərmiş idmançıları : 1. Hacı Əliyev (sərbəst güləş) – Rio 2016 XXXI Yay Olimpiya Oyunları. III yer, bürünc medal Braziliya
2. Firdovsi Fərzəliyev (karate) – Bakı 2015 I Avropa Oyunları I yer, qızıl medal
3. Elçin Eminov (Uşu Sanda) – III İslam Həmrəylik Oyunları. III yer. Bürünc medal İndoneziya. 2013 Sonda Ə.Əmirəliyev Abşeron idmancılarının 2017-ci ildə keciriləcək İslam Həmrəylik Oyunlarına hazırlaşdığını bildirib.
Şamo Əliyev