Bu gün Abşeron Rayon İcra Hakimiyyəti başçısının köməkçisi Fuad Xəlilovun 50 yaşı tamam olur Fuad Əflatun oğlu Xəlilov 1966-ci il dekabrın 17-də Xırdalan şəhərində ziyallı ailəsində anadan olub.Orta təhsilini 1974-1984-cü illərdə Xırdalan şəhərində alan F.Xəlilov, 1985-ci ilin iyun ayından 1987-ci ilin noyabr ayınadək Moskva şəhərində həqiqi hərbi xidmətdə olub.Hərbi xidməti başa vurduqdan sonra 1987-ci ildə Azərbaycan Dövlət Neft Akademiyasının İqtisadiyyat fakültəsini daxil olub, 1991-ci ildə universiteti fərqlənmə diplomu ilə bitirən F.Xəlilov təyinat üzrə Bakı Dəzgahqayırma İstehsalat Birliyində əməkhaqqı şöbəsində çalışmışdır.
1994-cü ilin avqusutundan Abşeron rayon İcra Hakimiyyətində Başçının köməkçisi vəzifəsində çalışır.
2009-ci ildə Dövlət başçısının Sərəncamı ilə Fuad Xəlilov “Dövlət qulluğunda fərqlənməyə görə” medalı ilə təltif edilib.
Azərbaycan, rus və türk dillərini mükəmməl bilir. 2000-ci ildən Yeni Azərbaycan Partiyasının üzvüdür. Ailəlidir, 3 övladı var.
F.Xəlilova xas olan insanpərvərlik, həssaslıq, nəciblik və qayğıkeşlik kimi yüksək keyfiyyətlər kollektivdə ona böyük hörmət və rəğbət qazandırıb.
Abşeron rayon İcra Hakimiyyətinin kollektivi Fuad Xəlilovu 50 illik yubileyi münasibətilə təbrik edir və ona uzun ömür, can sağlığı, gələcək işlərində müvəffəqiyyətlər arzulayır.
Şamo Əliyev