Xırdalan şəhərindəki 3, 24, 26 və 27 nömrəli uşaq bağçalarında 20 Yanvar faciəsi qurbanlarının xatirəsi yad edilib. 20 Yanvar hadisəsi xalqımızın yaddaşına qanlı faciə kimi daxil olsa da, bütövlükdə milli tariximizin ən şanlı və qəhrəmanlıq səhifələrindən birini təşkil edir. Bu hadisə milli azadlıq və ərazi bütövlüyü uğrunda mübarizəyə qalxmış dinc əhalinin kütləvi qəhrəmanlığıdır.
Bu günlərdə ölkəmizin hər yerində olduğu kimi 20 yanvar faciəsinin 27-ci ildönümü Abşeron rayonundaki körpələr evi-uşaq bağçalarında da müxtəlif tədbirlərlə qeyd olunur.
Belə tədbirlərdən biri də
Xırdalan şəhər 3 saylı körpələr evi-uşaq bağçasında keçirilibTədbiri giriş sözü ilə Körpələr evi-uşaq bağçasın müdiri Gülnarə Paşayeva açaraq qeyd etdi ki, “20 Yanvar” hadisəsi xalqımızın yaddaşına qanlı faciə kimi daxil olsada bu hadisə milli tariximizin ən şanlı səhifələrindən birini təşkil edir. Bu hadisə milli azadlıq və ərazi bütövlüyü uğrunda mübarizəyə qalxmış dinc əhalinin qəhrəmanlığıdır.Ümummilli lider Heydər Əliyev xalqın təkidli tələbi ilə siyasi hakimiyyətə qayıtdıqdan sonra 20 Yanvar hadisələrinə hüquqi-siyasi qiymət verilmişdir.
Azərbaycanın azadlıq və müstəqillik mübarizəsi tarixində mühüm mərhələ olmuş 20 Yanvar faciəsi qurbanlarının xatirəsi hər zaman ehtiramla yad olunacaqdır.
Tədbirdə uşaqların ifasında 20 Yanvar faciəsinə həsr olunmuş şerlər söylənilib.
Dah sonar Xırdalan şəhərində yerləşən "Şəhidlər abidəsi” önündə vətən uğrunda canlarından keçmiş igid övladlarımızının əziz xatirəsi Xırdalan şəhər 3 saylı körpələr evi-uşaq bağçasının fidanları tərəfindən dərin hüzünlə anılıb, abidə kompleksinin önünə gül dəstələri qoyulub.
Sonda körpələr evi uşaq bağçasının azyaşlıları 20 Yanvar faciəsi qurbanlarının xatirəsi naminə Şəhidlər ölməz, vətən bölünməz” şüarını səsləndiriblər.
Xırdalan şəhər 24 saylı Körpələr evi-uşaq bağçasında 20 Yanvar faciəsinin 27-ci ildönümünə həsr edilmiş tədbir keçirilib.
Tədbirdən önçə bağçanın müdiri Leyla Bayramova və körpə fidanlar Şəhidlər xiyabanına gələrək Azərbaycanın müstəqilliyi və ərazi bütövlüyünün müdafiəsi uğrunda mübarizədə canlarını qurban vermiş qəhrəman Vətən övladlarının məzarları üzərinə tər qərənfillər düzüb, şəhidlərimizin unudulmaz xatirəsinə hörmət və ehtiramlarını bildirib.
Təbirdə bağçanın müdiri Leyla Bayramova 1990-cı il yanvarın 19-dan 20-nə keçən gecə sovet qoşunlarının xalqımıza elan olunmamış təcavüzündən, hərbi birləşmələrin törətdikləri vəhşilikdən geniş söhbət açmışdır. Bildirilmişdir ki, ümummilli lider Heydər Əliyev xalqın təkidli tələbi ilə siyasi hakimiyyətə qayıtdıqdan sonra 20 Yanvar hadisələrinə hüquqi-siyasi qiymət verilmişdir. Azərbaycanın azadlıq və müstəqillik mübarizəsi tarixində mühüm mərhələ olmuş 20 Yanvar faciəsi qurbanlarının xatirəsi hər zaman ehtiramla yad olunacaqdır.
Tədbirdə uşaqların ifasında 20 Yanvar faciəsinə həsr olunmuş şerlər söylənilib.
20 Yanvar faciəsinin 27-ci ildönümü ilə əlaqədar
Xırdalan şəhər 26 saylı körpələr evi-uşaq bağçasında keçirilən tədbirdə faciə qurbanlarının əziz xatirəsi ehtiramla yad olunub.
20 Yanvar Azərbaycan xalqının müstəqillik yolunda mühüm mərhələ olduğunu vurğulayan 26 saylı körpələr evi-uşaq bağçasının müdiri Nigar Səfərova 27 il əvvəl Azərbaycanın azadlığı, suverenliyi arzusu ilə ayağa qalxmış dinc insanlara qarşı sovet imperiyasının silahlı birləşmələrinin törətdiyi cinayətlərdən danışıb. O, 20 Yanvar hadisəsini faciə kimi yox, milli tariximizin şanlı qəhrəmanlıq səhifələrindən biri kimi qiymətləndirib.
20 Yanvar faciəsinə ilk siyasi qiymətin məhz ümummilli lider Heydər Əliyev tərəfindən verildiyini vurğulayan N.Səfərova qeyd edib ki, olduqca mürəkkəb bir vəziyyətdə olmasına, özünün və ailəsi üçün yaranan təhlükəyə baxmayaraq, Heydər Əliyev ailə üzvləri ilə birgə Azərbaycanın Moskvadakı daimi nümayəndəliyinə gələrək, Bakıda törədilən qırğınlara siyasi qiymət verilməsi, günahkarların cəzalandırılması tələbini bütün dünyaya bəyan etdi. Məhz Ulu Öndərin səyləri nəticəsində 20 Yanvar faciəsi barədə həqiqətlərin dünyaya çatdırılması işində mühüm irəliləyiş əldə olunub.
Tədbirdə qanlı yanvar reallıqlarına həsr edilmiş video-çarx və uşaqların hazılrladıqları ədəbi-bədii kompozisiya da nümayiş etdirilib. Faciəni incəliyinə qədər təsvir edən poetik nümunələr, onların ustalıqla ifası dinləyicilərin qəlbini riqqətə gətirmiş, erməni faşizminə, rus ordusunun təcavüzünə nifrət hisslərini bir daha alovlandırıb.
Tədbirdə həmçinin uşaqların əl işlərindən ibarət “20 Yanvar körpələrin gözü ilə” mövzusunda sərgidə nümayiş etdirilib.
Sonda mərasimin körpə fidanları bağçanın foyesindəki “Şəhidlərin xatirə güşəsi” önünə tər-qərənfil dəstələri düzərək, Ulu Tanrıdan onlara rəhmət diləyiblər.
Xırdalan şəhər 27 nömrəli körpələr evi-uşaq bağçasında təşkil edilmiş anım tədbirində bağçanın müdiri Samirə Məmmədova giriş sözlə çıxış edərək bildirib ki, yanvarın 20-də 131 insan öldürülmüşdü. Onlardan 117-si azərbaycanlı, 6-sı rus, 3-ü yəhudi, 3-ü tatar idi. 744 adam ağır xəsarət almış, 4 nəfər itkin düşmüşdür. 400 nəfər isə həbs edilmişdir. Fövqəladə vəziyyət elan ediləndən sonra 21 nəfər qətlə yetirilmişdir. Fövqəladə vəziyyət elan edilməmiş rayonlarda-Neftçala və Lənkəranda 26 nəfər öldürülmüşdü. O dövrdə xalqı meydanlara səsləyənlər qaçıb gizlənəndə xalqın ağır günündə imperiyanın heç bir güc mexanizmindən qorxmayan Ulu öndər Heydər Əliyev ailəsi ilə birgə Azərbaycanın Moskvadakı nümayəndəliyinə gəldi və etiraz səsini yüksəltdi, bu ədalətsizliyi qətiyyətlə pislədi.
Sonra balaca fidanlar faciəyə həsr olunmuş şerlər səsləndiriblər. Əsgər paltarları geyərək vətənin daim keşiyində duracaqlarını bildirən körpələr, maraqlı kampazisiyalar nümayiş etdiriblər.
Sonda fidanlar simvolik olaraq hazırlanan “Məşəl Abidəsi” önünə tər qərənfillər düzüblər.
Şamo Əliyev
