Abşeron qəzetinin yeni sayı
«    İyun 2019    »
BeÇaÇCaCŞB
 12
3456789
10111213141516
17181920212223
24252627282930
30-01-2017, 07:03 Oxunub: 1200

Gənclərə yüksək səviyyədə dövlət qayğısı göstərilir - MÜSAHİBƏ

Gənclərə yüksək səviyyədə dövlət qayğısı göstərilir - MÜSAHİBƏ


"Gənclər Günü MDB məkanı və Şərqi Avropa ölkələri arasında ilk dəfə Azərbaycanda keçirilib"

Bu günlərdə Azərbaycan gəncliyi öz bayramını qeyd edir. 1997-ci il, fevralın 2-dən etibarən hər ilin bu günü Gənclər Günü kimi qeyd edilir. 2 fevral-Gənclər Günü ərəfəsində gənclərin ölkənin ictimai-siyasi həyatında hansı formada iştirakı, onların hərbi vərənpərvərlik ruhunun artırılması istiqamətində görülən tədbirlər və digər məsələlərə aydınlıq gətirmək üçün Abşeron Rayon Gənclər və İdman İdarəsinin rəisi Əsgər Əmirəliyevlə söhbətləşdik.

-Əsgər müəllim, qarşıdan 2 fevral-Gənclər Günü gəlir. Bu günün əhəmiyyəti nədən ibarətdir və ölkədə həyata keçirilən dövlət gənclər siyasətini necə qiymətləndirirsiniz?

-1997-ci ildən etibarən hər il fevral ayının 2-si respublikamızda Gənclər Günü kimi qeyd edilir. Bu bayram Azərbaycan gənclərinə ümummilli lider Heydər Əliyevin bir hədiyyəsi və gəncliyə göstərilən diqqət və qayğının nümunəsidir. Gənclər günü MDB məkanı və Şərqi Avropa ölkələri arasında ilk dəfə Azərbaycanda keçirilib. Dünyada isə 1998-ci ildən etibarən Birləşmiş Millətlər Təşkilatının qərarı ilə avqust ayının 12-də Ümumdünya Gənclər günü kimi qeyd edilir. Azərbaycanda dövlət gənclər siyasətinə aid bir sıra dövlət proqramları, Azəbaycan Respublikasının qanunları tətbiq edilib və ölkədə yaradıcı, istedadlı gənclərə dövlət qayğısı gündən-günə artır. Azərbaycan gənclərinin bir qismi kimi Abşeron rayon gəncləri arasında da aktivlik müşahidə edilir. Bizim rayon ərazisində də gənclərə yüksək səviyyədə dövlət qayğısı göstərilir.il ərzində müxtəlif sahələrdə fərqlənmiş gənclər rayon İcra Hakimiyyəti və idarəmiz tərəfindən mükafatlandırılır. Gələcəkdə də gənclərlə sıx işləməyi nəzərdə tuturuq. Bununla bağlı da yaxın vaxtlarda bir sıra tədbirlər həyata keçiriləcək.

-Mütəmadi olaraq rəhbərlik etdiyiniz idarə rayon ərazisində yerləşən hərbi hissələrdə görüşlər keçirir, gənclərin həmin hərbi hissələrə səfərləri təşkil olunur. Bu kimi görüşlər gənclərin hərbi vətənpərvərlik ruhunun artırılmasına nə dərəcədə müsbət təsir göstərir?

-Müntəzəm olaraq gənclərin hərbi hazırlığı ilə bağlı yarışlar keçiririk. Bunlar “Şahin” hərbi İdman oyunu, “Vətənin müdafiəsinə hazıram” çoxnüvçülüyü üzrə yarışlarıdır. Məlum olduğu kimi rayon ərazisində bir necə hərbi hissə yerləşir. İdarə olaraq həmin hərbi hissələrlə birlikdə müəyyən tədbirlər keçiririk. 2 fevral-Gənclər Günü ərəfəsində də belə bir görüş keçirməyi nəzərdə tuturuq. Həmin görüşlər zamanı hərbi xidmətdə fərqlənən hərbiçilər mükafatlandırılır. Heç şübhəsiz ki, həmin görüşlər də gənclərin iştirakı ilə baş tutur. Deyərdim ki, gənclər arasında bu kimi görüşlər çox böyük əhval-ruhiyyə yaradır və gənclərin hərbi vətənpərvərlik ruhunun artmasına müsbət təsir göstərir.

-Ümumilikdə Azərbaycan gənclərinin ölkənin ictimai-siyasi həyatında iştirakı sizi qane edirmi?

-Bu gün gənclər ölkənin ictimi-siyasi həyatında aktivdirlər. Gənclər siyasi proseslərdə fəal şəkildə iştirak edirlər. Bundan başqa fəal gənclərin, eləcə də gənclər təşkilatlarının layihələri həm Gənclər və İdman Nazirliyi, həm də Azərbaycan Respublikasının Prezidenti yanında Gənclər Fondu tərəfindən maliyyələşdirilir. Bununla da gənclərin ictimai-siyasi aktivliyi bir qədər də artır. Yeni Azərbaycan Partiyasının Gənclər Birliyinin sıralarında 200 minə yaxın gəncin olması, həmin gənclərdən böyük əksəriyyətinin daha aktiv fəaliyyət göstərməsini deyilənlərə misal göstərmək olar. Bu gün öndə olan fəal gənclərin məhz Yeni Azərbaycan Partiyasının Gənclər Birliyində təmsil olunması da bizi sevindirir.

-Abşeron Rayon Gənclər və İdman İdarəsi olaraq 2017-ci il üçün fəaliyyət proqramınızı müəyyən etmisinizmi və cari il ərzində bu istiqamətdə hansı tədbirlər keçirməyi düşünürsünüz? Ümumilikdə, gənclərə yeni nələr vəd edirsiniz?

-Elmdə, təhsildə, idmanda, mədəniyyətdə digər inkişafedici yaradıcı sahələrdə, ictimai həyatda aktiv olan gənclərin hər zaman qiymətləndirilməsi nəzərdə tutulur. Bundan başqa yaradıcı gənclərlə bağlı yay düşərgələrinin təşkil olunması planlaşdırılır. Gənclərin hərbi vətənpərvərlik ruhunun artırılması istiqamətində "Ali Baş Komandanın əmrinə hər zaman hazırıq" adlı yay düşərgəsi keçirmək istəyirik. Bu da vətənpərvər ruhda böyüyən gənclərin sayının artmasına hesablanıb. Eyni zamanda il ərzində valideyn himayəsindən məhrum olan, fiziki cəhətdən qüsurlu gənclərə diqqət artırılacaq. Həmçinin cəzaçəkmə müəssisəsindən azad olunan gənclərin reablitasiya olunması, onların cəmiyyətə adaptasiya edilməsi üçün bir sıra tədbirlər keçiriləcək. Ali təhsilini bitirən işsiz gənclərin müvafiq işlə təmin olunması üçün əmək yarmarkalarının təşkil edilməsi məsələsi də Abşeron Rayon Gənclər və İdman İdarəsinin cari il üçün nəzərdə tutduğu tədbirlər planında yer alıb. Gənclərin asudə vaxtının səmərəli şəkildə təşkili, onların narkomaniya kimi pis vərdişlərdən uzaqlaşdırılması istiqamətində də tədbirlər təşkil ediləcək.

Şamo Əliyev
XƏBƏR LENTİ
Bu gün, 15:38 | Çox çay və qəhvə içənlərə həkimdən QORXUNC XƏBƏRDARLIQ: Sümükləriniz əriyirBu gün, 15:25 | Prezidentin imzaladığı sərəncamlar ölkəmizdə aparılan uğurlu iqtisadi siyasətin nəticəsidirBu gün, 15:14 | Azərbaycanda dövlət qulluğunun ən müasir tələblər səviyyəsinə qaldırılması üçün məqsədyönlü iş aparılırBu gün, 15:03 | Azərbaycanın Rusiya ilə dövlət sərhəd xəttinin yüksək dağlıq əraziləri sərhəd nişanları ilə işarələnəcəkBu gün, 15:01 | Elmar Məmmədyarov: Azərbaycan QDİƏT-ə üzv olan ölkələrdə sülh, sabitlik və inkişafın artırılması istiqamətində səyləri artırmağa çağırırBu gün, 15:00 | Gürcüstan parlamentinin sədri Azərbaycana rəsmi səfərə gəlibBu gün, 14:59 | Azərbaycan Ordusunda döyüş postlarının növbətçi heyətləri arasında müsabiqə keçirilibBu gün, 12:52 | Abşeronlu gənclər istifadə etmədikləri geyimlərini ehtiyacı olan gənclərə bağışladılarBu gün, 11:55 | Sağlamlığı qorumaq istəyənlər qarpız yesin! Nəhəng giləmeyvənin 7 faydasıBu gün, 11:47 | Sona Əliyeva: Prezident İlham Əliyev sosial rifahın yüksəldilməsi üçün davamlı tədbirlər həyata keçirirBu gün, 10:12 | Ürəyinizin döyüntü sayı bu xəstəliklərdən xəbər verir - Türkiyəli kardioloq açıqladıBu gün, 10:11 | Təzyiqin aşağı salınmasının ən sadə üsulu. Dərmansız!Bu gün, 10:09 | Körpənin dırnağını necə kəsmək lazımdır?Bu gün, 10:07 | Mitsubishi şirkətindən süni intellektə malik danışma-tanıma texnologiyasıBu gün, 10:00 | 10 dəqiqəlik enerji ilə 300 kilometrlik yol üçün batareyaBu gün, 09:58 | Virtual həqiqət ilə hüceyrələrin içində səyahətDünən, 17:15 | Abşeron rayonunda səhiyyə işçilərinin peşə bayramı qeyd olunduDünən, 16:19 | Qarpızı alanda kəsdirməyin! ZİYANLARIDünən, 16:18 | Millət vəkili: Bu sərəncam əhalinin maddi-sosial vəziyyətinin yaxşılaşdırılması istiqamətində əsl inqilabdırDünən, 16:17 | Azərbaycan və Fransa birgə zirehli texnika istehsal edəcəkDünən, 14:51 | Məşhur psixoloqdan sağlam və möhkəm münasibət qurmağın 22 QAYDASIDünən, 14:48 | Azərbaycanla İran və İndoneziya arasında əmək, məşğulluq, sosial müdafiə sahəsində gələcək əməkdaşlığa dair fikir mübadilələri aparılıb