Bu gün Abşeron Rayon İcra hakimiyyətinin başçısı İradə Gülməmmədova rayonun Digah qəsəbə sakinlərlə səyyar qəbul və görüşü keçirdib.
Görüşdə rayonun hüquq-mühafizə orqanlarının, səhiyyə, təhsil, mədəniyyət, digər xidmət təşkilatlarının rəhbərləri və kənd sakinləri iştirak edib.
Digah sakinləri ilə artıq üçüncü dəfə görüşdüyünü, belə görüşlərin mütəmadi hal aldığını vurğulayan İradə Gülməmmədova Abşeron rayonunda həyata keçirilən quruculuq abadlıq işlərindən danışıb. Rayonda kəndlərarası və qəsəbədaxili yol infrastrukturunun yeniləndiyini, əhalinin fasiləsiz təbii qaz, elektrik enerjisi və su ilə təmin edildiyini vurğulayan icra başçısı bu istiqamətdə həyata keçirilən işlərin davamlı olacağını söyləyib.
Sonra Digah qəsəbə bələdiyyəsinin sədri Vüqar Ələkbərov son bir il ərzində görülən işlər barəsində hesabat xarakterli çıxış edib. Qəsəbənin bəzi daxili yollarına çınqıl döşəndiyini, yağışların normadan artıq düşməsi nəticəsində su basmış ərazilərin təmizləndiyini vurğulayan V.Ələkbərov qəsəbədə məişət tullantılarının daşınmasından söz açıb.
Sonra kənd sakinləri Abbas Alahverdiyev, Tərlan Abdullayev, Firuddin Əhmədov, Ramiz Qaraşov, Şahlar Həşimov, Şahin Salamov, Şahbaz Həşimov, Aygün Səmədova və digərləri çıxış edərək edərək icra başçısının qəsəbədə sakinlərlə tez-tez səyyar qəbul keçirməsini yüksək qiymətləndirərək bu görüşlərin müsbət nəticələr verdiyini, qaldırılan məsələlərin həll olunduğunu vurğulayıblar.
Çıxış edənlər Diğah kəndinə verilən elektrik enerjisinin gücünün artırılmasını, qəsəbənin bir neçə hissəsinə zibil qutularının qoyulmasını, ictimayi nəqliyatın artırılmasını, və bir neçə küçənin təmirə ehtiyac olduğunu söylədilər.
Sakinlər tərəfindən qaldırılan məsələlərin mümkünləri yerindəcə həll olunub, müəyyən vaxt və vəsait tələb edən digər məsələlərin həlli istiqamətində isə tez müddətdə həll edilməsi istiqamətində müvafiq tapşırıqlar verilib.
Görüşün yekununda İradə Gülməmmədova bildirib ki, ötən illər ərzində əldə olunmuş makroiqtisadi göstəricilər və Azərbaycanın iqtisadi baxımdan dünya liderinə çevrilməsi düşünülmüş iqtisadi strategiyanın davam etdirilməsinin məntiqi nəticəsi sayıla bilər və dövlət başçısının iqtisadi islahatları uzunmüddətli, həmçinin, yeni inkişaf erasının tempinə uyğun aparmaq qətiyyətinin əyani təzahürüdür.
Ölkədəki sabitliyin surətli inkişaf üçün başlıca şərt olduğunu vurğulayan İ.Gülməmmədova qeyd edib ki, Abşeron rayonunda da həm kənd təsərrüfatı, həm də istehsalat sahələri genişlənir.
Çıxışının sonunda rayon rəhbəri qarşıdan gələn 8 Mart “Beynəlxalq Qadınlar günü” münasibətilə görüşdə iştirak edən qadınları təbrik edərək, kənd sakinlərinə qarşıdan gələn Novruz bayramını sağlam, xöşbəxt, sülh şəraitində, əmin amanlıq içində qarşılamalarını arzulayıb.
