15 saylı körpələr-evi uşaq bağçasında “8 mart Beynəlxalq Qadınlar günü” nə həsr olunmuş “Dünyada ən uca zirvədir-ana” başlığı altında tədbir təşkil olundu.
Şənliyi giriş sözü ilə açan 15 saylı körpələr-evi uşaq bağçasının müdiri Mətanət Novruzova bağçanın bütün xanım işçilərini , valideynləri və şagirdləri bu bayram münasibəti ilə təbrik etdi.
M.Novruzova qeyd etdi ki, Ümummilli Lider Heydər Əliyevin Respublkiamıza rəhbərlik etdiyi bütün dövrlərdə qadınlarımıza yüksək diqqət və qayğı göstərib. Onların cəmiyyətimizin bütün sahələrində layiqincə təmsil olunmaları üçün ardıcıl tədbirlər həyata keçirilib.Hazırki mərhələdə də Prezident İlham Əliyevin yürütdüyü uğurlu siyasət nəticəsində cəmiyyətin həyatında qadınların rolu daha da artıb.Bu gün qadınlarımız dövlət idarəçiliyi, elm , təhsil, mədəniyyət və digər sahələrdə yüksək fəallıq nümaiş etdirirlər. Ölkəmizi beynəlxalq arenalarda layiqincə təbliğ edirlər. M.Novruzova əlamətdar gün münasibəti ilə Azərbaycanın birinci xanımı Mehriban Əliyeva başda olmaqla bütün qadınları təbrik etdi və onlara can sağlığı, xoşbəxtlik, ailə səadəti arzuladı.
Daha sonra uşaqların ifasında müsiqili-əyləncəli tədbir başladı. Tədbirdə körpə fidanlar müəllimlərini şeir,musiqi, rəqslərlə təbrik etdilər.Uşaqlar Beynəlxalq Qadınlar günü ilə bağlı məlumat verərək bildirdilər ki, 8 Mart - iqtisadi, ictimai və siyasi bərabərlik uğrunda mübarizədə qadınların beynəlxalq həmrəylik günüdür. Beynəlxalq Qadınlar Gününün bayram edilməsi Klara Setkinin təklifi ilə 1910-cu ildə Kopenhagen sosialist qadınların 2-ci Beynəlxalq konfransında qərara alınıb. Qadınlar günü ilk dəfə 1911-ci ildə Almaniya, Avstriya, İsveçrə və Danimarkada keçirilib. Rusiyada 1913-cü ildə, Azərbaycanda isə 1917-ci ildə qeyd edilib. 1914-cü ilədək Beynəlxalq Qadınlar Günü müxtəlif günlərdə keçirilirdi. Beynəlxalq Qadınlar Gününün martın 8-də keçirilməsi Avstriya, Macarıstan, Rusiya, ABŞ və s. ölkələrin qadınları öz həmrəylik gününü məhz bu tarixdə qeyd edəndən sonra ənənənə halını aldı. O vaxtdan bütün ölkələrdə qadınlar 8 Martı sülh uğrunda mübarizədə həmrəylik günü kimi də qeyd edirlər. 1965-ci ildən keçmiş SSRİ-də 8 Mart - Beynəlxalq Qadınlar Günü istirahət günü elan olunub.
Tədbirdə ən çox yaddan qalan bayram münasibəti ilə bir qrup körpə fidanların flashmob keçirməsi oldu. Flashmobda əvvəlcə hər kəs eyni anda eyni hərəkətlərlə rəqs edib və daha sonra onlar “8 MART” yazısını flashmob etdilər
Sonda bayram tortu kəsildi, xatirə şəkili çəktirildi.
Şamo Əliyev
