Əmək və Əhalinin Sosial Müdafiəsi Nazirliyinin Abşeron rayonunun Saray qəsəbəsindəki 2 saylı sağlamlıq imkanları məhdud uşaqlar üçün sosial xidmət müəssisəsində Abşeron rayon İcra Hakimiyyətinin təşkilatçılığı ilə xalqımızın əziz bayramlarından biri olan Novruzun gəlişi münasibətilə bayram şənliyi təşkil olunub.
Tədbirdə iştirak edən Abşeron rayon İcra Hakimiyyətinin başçısı İradə Gülməmmədova müəssisənin balaca sakinlərinə və xidməti heyətinə bayram təbriklərini və xoş arzularını çatdırıb.
Qeyd olunub ki, rayonunun Saray qəsəbəsindəki 2 saylı sağlamlıq imkanları məhdud uşaqlar üçün sosial xidmət müəssisəsi hərtərəfli dövlət qayğısı ilə əhatə edilib. Azərbaycan Prezidenti İlham Əliyevin sosial cəhətdən həssas əhali qruplarına diqqət və qayğısı sosial xidmət müəssisələrində yaşayan şəxsləri də əhatə edir. Onların sosial təminatı daim gücləndirilir. Həmçinin son illərdə sosial xidmət müəssisələrində müasir tələblərə uyğun şəraitin yaradılması üçün əsaslı təmir və yenidənqurma işləri aparılıb. Eyni zamanda, Heydər Əliyev Fondunun “Uşaq evləri və internat məktəblərinin inkişafı” proqramı çərçivəsində görülən işlərdən biri kimi, sağlamlıq imkanları məhdud uşaqlar üçün sosial xidmət müəssisələrində nümunəvi yaşayış və reabilitasiya şəraiti yaradılıb.
Bayram süfrəsi ətrafında keçən tədbirdə musiqili-əyləncəli proqram təqdim edilib, uşaqlara sevincli duyğular bəxş olunub. Müəssisədəki uşaqlardan bir qismi bədii yaradıcılığın müxtəlif növlərində ifalarını da təqdim edib, Novruza həsr olunmuş şeirlər söyləyiblər. Şənlikdə Rayon İcra Hakimiyyəti tərəfindən gətirilən bayram sovqatı uşaqların sevincinə səbəb olub
Şamo Əliyev