Bu gün Abşeron rayon Saray qəsəbəsi 3 saylı tam orta məktəbdə Aprel şəhidlərinin ildönümü ilə əlaqədar Şəhid anaları, müharibə qaziləri ilə görüş keçirildi.
Tədbirdə Abşeron rayon icra hakimiyyəti aparatının əməkdaşı Vüqar Bayramov, rayon İdman və Gənclər idarəsinin rəisi Əsgər Əmrəliyev, rayon təhsil şöbəsinin müdir əvəzi Pərviz Əhmədov, , Sumqayıt şəhər qazisi axund Hacı Rauf, Fəlsəfə elmlər doktoru, ilahiyyatçı Aslan Həbibov, "Təhsil və Zaman" qəzetinin baş redaktoru Böyükağa Mikayılov, Şəhid Raquf Orucovun qardaşı Zabil Orucov, Şəhid Axundov Əbdülməcidin anası Ceyran Axundova, Şəhid Əli Heydərovun anası Sveta ana və atası İntiqam Heydərovlar, Şəhid Şülan Bayramovun anası Türkanə Bayramova, Dörd günlük Aprel döyüşlərinin iştirakçıları Xüsusi təyinatlılar Həsənov Rüfət, Mehdiyev Natiq, Kamil Müsavi, 1 ci və 2 ci Qarabağ döyüşçüləri Ələsgər Şirinov, Nurid Şıxəliyev, AVMVİB- nin sədri Cabbar Cabbarov, Xocalı tanıtım cəmiyyətinin üzvləri, Saray qəsəbə bələdiyyəsinin üzvləri Məhi Həsənov, Şahlar İmamquliyev, təhsil şöbəsinin metodistləri Sevil Əliyeva, Səkinə Abbasova, Nuranə Vəliyeva, Aysel Tahirova, Abşeron informasiya agentliyinin rəhbəri Anar Nağıyev, rayon və qəsəbə ictimayyətinin nümayəndələri müəllim və şagird kolektivi iştirak edirdilər.
"İlin məktəbi" olan Saray qəsəbə 3 saylı tam orta məktəb bu gün tam fərqli vətənpərvərlik mövzusunda bəzədilmişdir. Üç rəngli al bayrağımız məktəbin qarşısında dalğalanırdı. Məktəbin foesində Aprel şəhidlərinin şəkilləri ilə bəzədilmiş, şagirdlər əllərində bayraq düzülmüşdülər. Məktəb şagirdlərinin aprel döyüşləri ərəfəsində mərd əsgərlərimizə yazdıqları məktublar tədbir iştirakçılarına nümayiş etdirildi. Hərbi geyimdə olan şagirdlərin müşahədi ilə qonaqlar məktəbin akt zalına daxil oldular.
Məktəbin direktoru, əməkdar müəllim Təyyibə Hüseynova tədbiri giriş sözü ilə açaraq Şəhidlərimizin ruhunu 1 dəqiqəlik yad edilməsini təklif etdi.
Şəhidlərimizin ruhu yad olunduqdan sonra tədbirin təşkilatçısı, ibtidai sinif müəllimi Sevil Əmrahova tədbirin mahiyyəti, aprel hadisələri, mərd cəsur ordumuzun qazandıqları uğurlardan söhbət açdı. Təhsil ocağında ibtidai sinifə keçirilən "Şəhidlik" mövzusunda dərs videorolik vasitəsilə nümayiş edildi.
Məktəb şagirdləri "Şəhidlər", "And içirik", "Torpaq", "Vətən", "Şəhidim rahat uyu", "Vətəndən pay olmaz", "Ana əsgər gedirəm", "Ağlama şəhid anası" şerini söylədilər.
Sevil Əmrahova "Şəhid məktubun"səsləndirdi. Şagirdlərin şəhidlər xiyabanı ziyarət etməsi göstərildi. Sonra Şəhid anaları çıxış etdi. Şəhidlik zirvəsindən danışıldı. Azərbaycan qadınının vətəninə əsil övlad yetişdirməsindən, canları qanları bahasına torpaqlarını qorumasından danışıldı.
Abşeron rayon İdman Gənclər İdarəsinin rəisi Ə. Əmirəliyev, rayon təhsil şöbəsinin müdir əvəzi Pərviz Əhmədov, Sumqayıt şəhər axudu Hacı Rauf, Şəhid Raquf Orucovun qardaşı Zabil Orucov çıxış edərək Şəhidlərimizə rəhmət dilədi. "Murov qartalı" kitabı məktəbin kolektivinə təqdim olundu. Tezlikən şəhid qanına bulaşan üç rəngli bayrağımız işğaldan azad olunan torpaqlarımızda dalğalanmasını arzu etdi. Aprel döyüşlərinin iştirakçıları Xüsusi təyinatlılar Həsənov Rüfət, Mehdiyev Natiq, Kamil Müsavi, 1 ci və 2 ci Qarabağ döyüşçüləri Ələsgər Şirinov çıxış edərək Azərbaycan ordusunun qüdrətindən, mərdliyindən və şücaətindən danışdı. Sonra "Babək" filmindən kadrlar nümayiş olundu.
Məktəbin şagirdləri hərbi geyimdə Azərbaycanın bayrağını səhnəyə gətirdilər. Şagird Ayan Əmrahova "Şəhidlər xiyabanı" mahnısını ifa etdi.
Ey vətənin igid oğulları, ey vətənin Şəhid oğulları, qarşınızda baş əyirik, Ey Şəhid anası! Yetişdirdiyiniz övladlar üçün sizlərin əllərindən öpürük. Siz baş tacımızsınız. Siz bu millətin anasısınız.
Ana and içirik bu vətən torpaqlarına qarışan şəhis qanının damlasının qisasını alacağıq!
Tədbir bayraqların dalğalanması "əsgər marşı" ilə başa çatdı.
