Tədbirdə Abşeron rayon rəhbərliyi ilə yanaşı təhsil işçiləri illər öncə məktəbi bitirən məzunlar və təhsil ocağının pedeqoji kolektivi istirak edib. Abşeron rayon Novxanı kənd Mehdi Huseyzadə adına 1 nömrəli tam orta məktəbin 80 illik yubleyini qeyd etdi.
Tədbirdə Abşeron rayon icra hakimiyyətinin başçısı İradə xanım Gülməmmədova , təhsil işçiləri məzunlar və məktəbin pedeqoji kolektivi iştirak etdi.
Əvvəlcə məktəbin həyətində şagirdlər “Azərbaycan” mahnısı sədalari altında hərbi keçid etdililər, sonra məktəbin məzunu Karate üzrə dünya çempionu Zöhrab Əliyev Azərbaycan bayrağını dalğalandırdı. Keçirilən yubley tədbirində təhsil müəssisəsinin keçdiyi inkişaf yolundan danışildı.
Novxanı kənd tam orta məktəbin direktoru Taliyye Mirzəyava çıxış ederək bildirildi ki, məktəbin təməli 1937-ci ildə qoyulub. Sonralar bu təhsil müəssisəsi əsaslı yenilənib və zamanın tələbinə uyğunlaşdırılıb.
Diqqətə çatdırıldı ki, hazırda məktəbdə 1100 şagirdin təlim-tərbiyəsi ilə 90 müəllim məşğul olur. Məktəbdə təcrübəli müəllimlərin səylə çalışdıqları, şagirdlərin təhsilində, dünyagörüşünün formalaşmasında əvəzsiz xidmətlər göstərdikləri qeyd edildi.
Fəaliyyətə başladığı ilk ildən bu təhsil ocağı xalq təsərrüfatının müxtəlif sahələri üçün gənc kadrların yetişdirilməsi işini uğurla aparıb. Direktor vurğuladı ki, yüksək keyfiyyətlə işləyən və hər kəsin etimadını qazanmış məktəb hazirda tərəqqi və çiçəklənmə dövrünü yaşayır.
Yubley tədbirində qeyd olunub ki, Novxanı kənd tam orta məktəbin maddi -texniki bazasının gücləndirilməsi, daha yüksək keyfiyyətli təhsil vermək üçün təmiri, tam yeni avadanlıqla təchiz edilməsi isi ugurla aparilib. İllərlə məktəbin görkəmi tamamilə dəyişdirilib, avadanlığı bütünlüklə yenilənib, maddi- texniki bazası son dövrün tələblərinə uyğun olaraq möhkəmlənib.
Əvvəllər də bir çox uğurlara imza atmış məktəb görülən bütün bu işlərin nəticəsində daha böyük nailiyyətlər əldə etməkdədir. Məktəbin bir sıra layihələrdə fəal iştirakını, hər il məzunların yüksək balla müxtəlif ali təhsil müəssisələrinə qəbul olunduqlarını diqqətə çatdıran direktor bildirib ki, qazanılan uğurlarda kollektivin böyük əməyi var. Sadalamaqla bitməyən bu uğurlar bizi məktəbimizin pedaqoji kollektivi qarşısında duran ən ümdə vəzifəni – gənc nəslin sağlam düşüncəli, bilikli və hərtərəfli dövlət qurucusu kimi yertişdirilməsini daha böyük əzmlə yerinə yetirməyə ruhlandırır.
Daşıdığımız yükün ağır, eyni zamanda, çox şərəfli olduğunu dərk edir, cəmiyyət üçün faydalı vətəndaşlar yetişdirməyə çalışırıq. Biz azad, suveren, bütöv Azərbaycanın qurucularının yetişdirilməsinə bütün gücümüzü, qəlbimizin odunu-alovunu sərf etməyi bacarmalıyıq. Çünki biz xalq üçün çalışırıq, xalqın müəllimləriyik.
Yubley tədbirində Abşeron rayon icra hakimiyyətinin başçısı İradə Gülməmmədova çıxış edərək bildirdi ki, Novxanı kənd 1 nömrəli tam orta məktəbi Abşeron rayonunun nümunəvi təhsil müəssisələrindəndir. Bu məktəbin məzunları arasında tanınmış insanlar çoxluq təşkil edir. Neçə- neçə dövlət və incəsənət xadimləri bu məktəbin məzunları olub. Rayon rəhbəri diqqətə çatdırdı ki Prezident İlham Əliyevin təhsil və tədrisin təşkili ilə bağlı qarşıya qoyduğu vəzifələr bu gün məktəbin kollektivi tərəfindən uğurla icra olunur. Ötən müddətdə xalqımızın zəngin maarifçilik ənənələrini layiqincə davam etdirən məktəb təlim-tərbiyə və tədris işinin təşkilində, təhsilli və vətənpərvər gənclərin yetişdirilməsində böyük nailiyyətlər qazanıb. İradə Gulməmmədova çıxışının sonunda məktəbin kollektivini yubiley münasibətilə təbrik etdi və uğurlar arzuladi.
Tədbirdə digər çıxış edənlerde təhsilinin inkişafı istiqamətində əldə olunan uğurlardan, həyata keçirilən layihələrdən danışdılar, eləcədə şagirdlərin bərabər təhsil imkanları üçün dövlət tərəfindən hər cür şəraitin yaradıldığını dedilər.
Yubley tədbirində məktəbin məzunlarıda təhsil müəssisəsi ilə bağlı xatirələrini bölüşdülər. Yubiley tədbiri şagirdlərin hazırladıqları bədii kompozisiya ilə davam etdi.
