İslam dünyasının xeyirxahlıq, qardaşlıq və yardımlaşma kimi gözəl hisslərini təqdim edən ən əziz bayramlardan biri olan müqəddəs Qurban bayramı Digah qəsəbəsində də qeyd edilib.
Digah bələdiyyəsinin sədri Vüqar Ələkbərovun təşəbbüsü ilə qəsəbədə yaşayan şəhid ailələrinə, əlillərə, müharibə veteranlarına, tənha ahıllara və aztəminatlı ailələrə Qurban sovqatı paylanılıb.
Ümumilikdə qəsəbə üzrə 210 ailəyə qurban payı verilib.
V. Ələkbərov həmrəylik və mənəvi saflıq kimi yüksək dəyərləri aşılayan Qurban bayramı münasibətilə xalqımızı, eləcə də Abşeron sakinlərini təbrik edib.
Göstərilən yardımı böyük sevinclə qarşılayan hər bir ailə Müqəddəs bayramların ölkə rayon ərazisində yüksək səviyyədə keçirilməsinə və onlara yetirilən hərtərəfli diqqət və qayğıya görə rayon rəhbəri İradə Gülməmmədovaya minnətdarlıqlarını bildiriblər.
Şamo Əliyev