14 sentyabr 2017-cı il tarixdə Abşeron Rayon Gənclər və İdman İdarəsinin təşkilatçılığı ilə Xırdalan şəhər Şahmat Məktəbində “15 sentyabr-Bilik günü
”nə həsr olunmuş daxili təsnifat turniri keçirilib.
Xırdalan Şahmat Məktəbində keçirilən turnirə müxtəlif yaş qruplarından olan iti zəka sahibləri qatılıb.
Turnirin keçirilməsində məqsəd “15 sentyabr Bilik günü”nü geniş qeyd etmək, rayonda şahmat idman növünü daha da inkişaf etdirmək, yeniyetmə və gənclərin asudə vaxtlarını səmərəli təşkil etmək, idmana olan maraqlarını daha da artırmaqdır .
Yarışın açılış mərasimində Abşeron Rayon Gənclər və İdman İdarəsinin rəisi Əsgər Əmirəliyev çıxış edərək iştirakçıları “15 sentyabr Bilik günü
”münasibətilə təbrik edib, onlara uğurlar arzulayıb. O, Bilik gününün mahiyyətindən danışaraq gənclərimizə dövlət səviyyəsində daim diqqət və qayğı göstərildiyini qeyd edib.
Ə.Əmirəliyev gənclərin idman yarışlarına kütləvi şəkildə cəlb edilməsinin onların sağlam ruhda böyümələri üçün ən vacib amillərdən biri olduğunu deyib.
Sonra yarışa start verilib. Maraqlı idman mübarizəsində keçən turnirdə 70-ə yaxın şahmatçı mübarizə aparıb. Oğlan və qız şahmatçıların iştirak etdiyi turnir 5 yaş qrupunda (8-10-12-14-16 ) keçirilib. Yarış 3 qrupda (A,B,C) İsveçrə sistemi üzrə 9 turdan ibarət olub.
Turnirin nəticələrinə əsasən qalib gələn şahmatçılar Abşeron Rayon Gənclər və İdman İdarəsi tətəfindən müvafiq dərəcəli diplom, medal və xatirə hədiyyələri ilə təltif olunublar. Bundan başqa, təsnifat xarakterli yarışda şahmatçılara müvafiq idman dərəcələri də verilib.
Şamo Əliyev
