Bu gün günü- gündən artan, Yeni Azərbaycan Partiyası sıralarında birləşən gənclər böyük bir gücə, qüvvəyə malikdir. Respublikamızın sabahına inamla adımlayan gənclər Yeni Azərbaycan Partiyasında birləşir.
Ölkəmizin ictimai-mədəni, sosial-iqtisadi, idman həyatında xüsusi xidmətləri olan gənclər Prezident İlham Əliyevin həyata keçirdiyi müasirləşmə siyasətinə ən böyük töhfə verən ictimai qüvvədir.
Məhz bu gənclik Azərbaycanın gələcək uğurlarının, firavan həyatının təmin edilməsinə daha böyük töhfələr verəcək. Ən əsası isə bu gənclik ümummilli lider Heydər Əliyevin bizə qoyub getdiyi əmanətləri - dövlətçiliyi, azərbaycançılıq ideologiyasına əsaslanan milli birliyimizi qoruyub saxlayacaq.
Bu gün Abşeron rayon Təhsil şöbəsində YAP rayon təşkilatının 25 illik yubleyi günlərində görüş keçirilib.
Yeni Azərbaycan Partiyasının Abşeron rayon təşkilatının, rayon təhsil şöbəsinin və gənc müəllimlərin, KİV- nümayəndələrinin iştirakı ilə keçirilən görüşü giriş sözü ilə açan RTŞ- nin ilk partiya təşkilatının sədri Qəyyum Davudov Yeni Azərbaycan partiyasının rayonda o cümlədən təhsil şöbəsində yaranması haqqında qısa məlumat verdi.
Rayon Həmkarlar ittifaqının sədri Vahid Əliyev rayon təhsil işçilərinin Yeni Azərbaycan Partiyasın sıralarında fəxir və fərəhlə artmasından, əldə olunan naliyyətlərdən danışdı. Gənclərin bölgənin həyatında, xüsusən sosial-iqtisadi, idman sahələrindəki xidmətlərindən ətraflı bəhs edib, qazandıqları uğurlardan danışıblar. Qeyd olunub ki, bu uğurların qazanılmasında YAP rayon təşkilatının sıralarının 40 faizindən çoxunu təşkil edən gənclərin də xüsusi rolu var.
Rayon təhsil şöbəsinin müdiri Nazilə xanım Məmmədova çıxış edərək gənclərinin maarifləndirilməsi, intellektual bacarıqlarının artırılması, sağlam yetişməsi, dövlətçilik ideyalarına sadiqlik və hərbi-vətənpərvərlik ruhunda tərbiyə edilməsi istiqamətlərində ardıcıl iş aparılacağını, mütəmadi tədbirlərin keçirildiyini bildirdi. N. Məmmədova diqqətə çatdırılıb ki, “Heydər Əliyev məktəbi”nin fəaliyyəti, keçirilən dərslər, milli bayramlarımızın, tarixi günlərin, idman tədbirlərinin təşkili bu sahədə xüsusi əhəmiyyət kəsb edir.
YAP Abşeron rayon təşkilatının sədri Bilman Vəliyev çıxış edərək bildirilib ki, ulu öndər Heydər Əliyev müstəqil Azərbaycanın memarı olduğu kimi, eyni zamanda, Yeni Azərbaycan Partiyasının yaradıcısıdır. Ümummilli Liderin nurlu zəkasından yaranan və Prezident İlham Əliyevin müdrik və qətiyyətli fəaliyyəti ilə güclənən Yeni Azərbaycan Partiyası ölkəmizin qurtuluş simvoluna, tərəqqi rəmzinə çevrilib. Bu gün YAP Azərbaycan xalqı tərəfindən dəstəklənən, böyük nüfuza malik olan qüdrətli siyasi qüvvədir. Yeni Azərbaycan Partiyası öz ətrafında xalqımızın qabaqcıl ziyalılarını, intellektual potensialını birləşdirmək baxımından cəmiyyətin alternativsiz partiyasıdır.
B. Vəliyev şıxışının sonunda vurğuladı ki, partiyanın Abşeron rayon təşkilatı respublikada ilk yaranmış təşkilatlardandır. 1993-cü ilin fevral ayının 22-də təsis olunan, 8000 nəfərdən çox partiya üzvünü və 122 ərazi ilk partiya təşkilatını birləşdirən Abşeron rayon təşkilatı sıralarını ildən-ilə genişləndirir. Rayon təşkilatının üzvləri arasında qadınlar və gənclər üstünlük təşkil edir.
Təhsil şöbəsində keçiilən görüş maraqlı söhbətlərlə, gənc müəllimlərin yadaşına silinməz iz qoydu. Gənc müəllimlər Yeni Azərbaycan sıralarında qatılmaqları ilə fəxir edirlər.
