Tədbiri bağçanın müdiri Ofelya Mustafayeva açaraq Prezident İlham Əliyevin rəhbərliyi ilə ölkəmizdə həyata keçirilən təhsil islahatlarından, təhsilin maddi-texniki bazasının möhkəmləndirilməsi istiqamətində görülən işlərdən danışıb, son 12 ildə Abşeronda təhsil sistemində qazanılan uğurları məhz bu sahəyə göstərilən diqqət və qayğının nəticəsi kimi dəyərləndirib.
O. Mustafayeva çıxışında vurğulayıb ki, uşaq beyni ağ vərəqə bənzəyir: Oraya nə yazılsa əbədi qalar. Demək sağlam fikirli, aydın düşüncəli, cəmiyyət üçün gərəkli övladlar böyütmək üçün o ağ vərəqə dəyərli amillər, xeyirxahlıq, vətənpərpərvərlik, saflıq-paklq, səmimiyyət bildirən hissləri hopdurmalı, düşüncələrinə ağı- qaradan seçməyi yazdırmalıyıq. Bu gün təmiz beyinlərə elə ― toxum səpməliyik ki, sabah özümüz utanmayaq. Bütün bunları uşaq yaşlarından öyrənmək üçün bir məkan – bağça, öyrətmək üçün isə bir insan var – müəllim. Bu günün müəllimləri də daima şagirdlərinə vətənpərvərlik, xeyirxahlıq, hörmət və bu kimi insani xüsusiyyətləri aşılamalı.
Bayram şənliyində çıxış edən Abşeron rayon İcra Hakimiyyətinin əməkdaşları Elnarə Umayeva və Samirə İsmayılzadə müəllimləri təbrik edib, cəmiyyətin tərəqqisində, Azərbaycanın gələcəyində məhz bu peşə sahiblərinin şərəfli əməyinin olduğunu qeyd ediblər. Bildirilib ki, bu gün Abşeronumuzun gələcəyi olan uşaqların təlim-tərbiyəsinin ən yüksək səviyyədə təşkili, onların sağlamlığının qorunması diqqət mərkəzində saxlanılır. Abşeron rayon İcra Hakimiyyətinin başçısı İradə Gülməmmədovanın uşaqlara diqqəti və qayğısının bariz nümunəsidir ki, körpələrimiz belə təmirli, şəraitli uşaq bağcalarında məktəbəqədər təhsil alırlar.
Sonra balaca istedadlar böyük məharətlə ifa etdikləri şeirlərlə, mahnı və rəqslərlə, göstərdikləri maraqlı səhnəciklərlə müəllimlərini necə sevdiklərini nümayiş etdiriblər.
Şənlik xoş əhval-ruhiyyə və əsl bayram ovqatı yaradıb, balacalara əyləncəli anlar yaşadıb.
Şamo Əliyev