16 oktyabr 2017-cı il tarixdə 15 saylı körpələr-evi uşaq bağçasında Azərbaycan Respublikasının dövlət müstəqilliyinin bərpasının 26-cı ildönümü münasibətilə tədbir keçirilib.
Tədbirdə 30-dan çox uşaq, Abşeron RİH-in əməkdaşları Elnarə Umayeva və Samirə İsmayılzadə, müəllim və valideynlər iştirak edib.
Öncə Azərbaycan Respublikasının Dövlət himni səsləndirilib.Sonra dövlət müstəqilliyimizin bərpasının 26-cı ildönümünə həsr olunmuş videoçarx nümayiş olunub.
Bayram tədbirində bağçanın körpə fidanlarına söz verilib. Onlar vətənə və müstəqilliyə aid şeirlər səsləndirib, rəqs nömrələri nümayiş etdiriblər. Daha sonra Azərbaycan bayrağı səhnəyə gətirilib.
Tədbiri giriş sözü ilə Bağçanın müdirəsi Mətanət Novruzova açaraq bildirib ki, Azərbaycan bütün çətinliyə, 70 illik zülm və əsarətə baxmayraq 1991-ci ilin oktyabr ayının 18-də müstəqilliyini yenidən bərpa etmiş, özünün suverən dövlətini yaratmışdır. Ancaq zamanın axarı ölkəmizi daha böyük sınağa çəkdi. Çətinliklər bahasına əldə etdiyimiz müstəqilliyimiz daxili çəkişmələr və xarici qüvvələrin müdaxiləsi nəticəsində təhlükə ilə üz-üzə qalmışdı. Böyük siyasi təcrübəyə malik olan Ümummilli Lider Heydər Əliyevin ölkədə hakimiyyətə qayıdışı ilə bu təhlükə tamamilə sovuşdu.
Toplantıda çıxış edən E.Umayeva müstəqiliyin əldə olunaraq qorunub saxlanmasında Heydər Əliyevin yorulmaz fəaliyyətindən danışıb və bu gün ümummili liderimizin layiqli davmçısı tərəfindən müstəqiliyimizin inkişaf etdiyini qeyd edib.
Yığınçaq iştirakçılarını əlamətdar gün münasibətilə təbrik edən S. İsmayılzadə müstəqilliyin bərpasından sonra Azərbaycanın keçdiyi inkişaf yolundan, qazandığı uğurlardan danışıb.
Tədbirin sonunda tort kəsilib,xatirə şəkilləri çəkdirilib.
Şamo Əliyev