Abşeron Rayon İcra Hakimiyyətinin başçısı İradə Gülməmmədovanın təşəbbüsü ilə icrasına başlanılmış "Nümünəvi məhəllə" layihəsi çərçivəsində abadlıq-quruculuq işləri yüksək templə davam etdirilir.
Abşeron rayon İcra Hakimiyyəti başçısının Хırdalan şəhər inzibati ərazi dairəsi üzrə nümayəndəsi Rafiq Yusubovun verdiyi məlumata görə, Abşeron Rayon İcra Hakimiyyətinin daxili imkanları hesabına Xırdalan şəhər, 25-ci məhəllədə ümumi sahəsi 600 kv.m olan ərazidə yeni park salınır.
Burada əhalinin istirahəti məqsədi ilə bütün şəraitin yaradılması layihədə öz əksini tapıb. Parkda həmişəyaşıl ağaclar, dekorativ bitkilər, gül və çiçək kolları əkiləcək.
Parkın və ətrafın işıqlandırılması məqsədi ilə gecə işıqlandırma dirəkləri, skamyalar qoyulacaq, söhbətgahlar, uşaqların əylənməsi üçün yelləncəklər və oyun meydançalarının quraşdırılması parka xüsusi gözəllik verəcək. Ərazinin təmiz saxlanması üçün parkda zibil qutuları da qoyulacaq. Parkın suvarılması məqsədi ilə xüsusi suvarma sistemləri, qurund sularının axıdılması üçün xətlər çəkiləcək.
R.Yusubovun açıqlamasına əsasən, rayon rəhbəri İradə Gülməmmədovanın daimi nəzarəti əsasında həyata keçirilən abadlıq, təmizlik işlərinin keçirilməsində əsas məqsəd şəhər ərazisində, küçə və məhəllələrdə abadlıq işlərini intensiv və mütəşəkkil formada davam etdirmək, yaşayış evlərini, həyətləri, məhəllələri, küçələri daha təmiz və səliqəli saxlamaq, salınmış yaşıllıqları qorumaq, ağaclar, bitkilər əkməklə yeni-yeni yaşıllıq zolaqları yaratmaq, rayonu abadlaşdırmaqla yanaşı, həm də vətəndaş məmnunluğunu qazanmaqdır.
Məlumat üçün bildirək ki, layihənin tammiqyaslı tikintisinə 2017-ci ilin noyabrında başlanılıb və işlərin 2017-ci ilin dekabrında yekunlaşması nəzərdə tutulur.
“Absheronxeber.az” yeni layihənin eskizini təqdim edir: