Yeni təqvim ilinin gəlişinə sayıIı günlər qalıb. Xalqımız 31 Dekabr - Dünya Azərbaycanlılarının Həmrəylik Günü və Yeni il bayramına hazırlaşır.
Dünya Azərbaycanlılarının Həmrəylik Günü və Yeni il münasibətilə rayonun inzibati mərkəzi - Xırdalan şəhəri bayram libasına bürünüb. Park və meydanlar, küçələr, ictimai binaların, evlərin fasadları, eyvanlar bayramsayağı bəzədilib. Heydər Əliyev adına mədəniyyət və istirahət parkının gecə görüntüləri isə xüsusilə cəlbedicidir. Prospekt və küçələrdə quraşdırılan müasir işıqlandırma sistemi, rəngbərəng çilçıraqlar Xırdalanın hüsnünə əlavə rəng qatır.
Yeni İl Bayramı — dünyanın müxtəlif xalqları üçün ənənəvi bayrama çevrildiyi kimi, Azərbaycanda da insanların məişətinə daxil olub. Bu bayramın yaranmasının azı 25 əsrlik tarixi var.
İlin dəyişməsini bayram etmək adəti ilk dəfə qədim Mesopotamiyada yaranıb. Yeni il bayramı o gündən bu günə dək dünyanın dörd bir yanında böyük təntənə ilə qeyd edilir.
Şamo Əliyev
[/center]