Abşeron rayon İcra Hakimiyyətinin təşkilatçılığı ilə Xırdalan şəhərində kənd təsərrüfatı məhsullarının satış-yarmarkası açılıb. Həftənin şənbə və bazar günləri təşkil olunacaq yarmarkaya səhər saat 8-də start verilib.
Respublikanın ayrı-ayrı rayonlarından satış-yarmarkasına kənd təsərrüfatı məhsulları çıxarıb.
Satış-yarmarka ilə tanışlıq zamanı Abşeron rayon İcra Hakimiyyətinin nümayəndələri bildirdi ki, yarmarkanın keçirilməsində əsas məqsəd fermerlərin məhsullarını bazara çıxarmasına kömək etmək, fermerlərlə emal müəssisələri və alıcılar arasında əlaqə yaratmaq, bazarlarda süni qiymət artımının qarşısını almaqdır. Əhaliyə təqdim olunan məhsulların qiyməti bazar qiymətindən 25-30 faiz aşağıdır.
Yarmarkanın ərazisində nəzarət- toksikologiya laboratoriyası və baytarlıq nəzarət xidmətinin əməkdaşları tərəfindən tibbi müayinələr aparılıb.
çıxarılan məhsulların bazar qiymətindən aşağı olması alıcıların da ürəyincə olub. Satıcılar və alıcılar satış-yarmarkasının yüksək səviyyədə təşkilinə görə razılıqlarını bildiriblər.