8 Mart - Beynəlxalq Qadınlar günü münasibətilə şəhid anaları, aztəminatlı, tənha, eləcə də, təqaüddə olan xanımlar evlərində təbrik edilib. Abşeron Rayon İcra Hakimiyyəti başçısının Хırdalan şəhər inzibati ərazi dairəsi üzrə nümayəndəsi Rafiq Yusufov 8 Mart Beynəlxalq Qadınlar Günü ərəfəsində Xırdalan şəhərində məskunlaşmış şəhid analarını, kimsəsiz xanımları, aztəminatlı ailələri yaşadığı mənzillərdə ziyarət edərək, onlara rayon rəhbərinin təbriklərini və xoş arzularını çatdırıb.
Görüşdə həmçinin nümayəndəliyin adından ailələrin hər birinə pul, o cümlədən gül bağışlayıblar.
Qadınlar göstərilən diqqət və qayğıya görə Abşeron RİH başçısı İradə Gülməmmədovaya və Rafiq Yusufova minnətdarlıqlarını bildiriblər.
Şamo Əliyev
