Hər il iyunun 23-ü ölkəmizdə Dövlət qulluqçularının peşə bayramı kimi qeyd olunur. Dövlət qulluqçularının peşə bayramı Prezident İlham Əliyevin 2006-cı il 25 may tarixli Sərəncamı ilə təsis edilib.
Dövlət qulluqçularının peşə bayramı bölgələrdə, o cümlədən Abşeron rayonunda da geniş qeyd olunub.
Rayon icra hakimiyyətində keçirilən tədbirdə icra hakimiyyətinin başçısı İradə Gülməmmədova dövlət qulluqçularını peşə bayramı münasibətilə təbrik edib, onlara gələcək fəaliyyətlərində uğurlar arzulayıb. Ölkəmizdə dövlət qulluğunun formalaşması və inkişafı prosesində ümummilli lider Heydər Əliyevin misilsiz xidmətlərini xatırladan İ.Gülməmmədova bu siyasətin Prezident İlham Əliyev tərəfindən uğurla davam etdirildiyini diqqətə çatdırıb.
Vurğulanıb ki, Dövlət qulluqçularının peşə bayramının qeyd olunması onların cəmiyyətin ictimai-siyasi, sosial-iqtisadi həyatındakı müstəsna roluna verilən ən yüksək qiymət olmaqla, məmurları dövlət quruculuğu prosesində daim fəal, əzmkar olmağa sövq edir. Dövlət qulluqçusu başqaları üçün nümunə olmalı, Vətən, məslək uğrunda məsuliyyətini dərindən dərk etməlidir.
Abşeron RİH başçısının ərazi idarəetmə və yerli özünüidarəetmə orqanları ilə iş şöbəsinin müdiri Azər Məmmədov rayonda müxtəlif sahələrdə çalışan dövlət qulluqçularını peşə bayramı münasibətilə təbrik edərək, onlara çətin və məsuliyyətli, eyni zamanda, şərəfli işlərində uğurlar arzulayıb.
Sonda bir qrup fəal dövlət qulluqçusu rayon icra hakimiyyətinin fəxri fərmanı ilə təltif olunub.
Şamo Əliyev