Ceyranbatan qəsəbəsində 4 ədəd beşmərtəbəli yaşayış binasında təmir işlərinə başlanıb. Beləki qəsəbənin 20 yanvar küçəsi 1A, təbrik küçəsində isə 1, 3, 5 saylı beşmərtəbəli yaşayış binalarının dam örtüyü, fasadı, pilləkən qəfəsəsi və kanalizasiya xətləri əsaslı təmir olunaraq, sakinlərin istifadəsinə veriləcək.
Hazırda adı çəkilən binlarda dam örtükləri vurulub, plastik dam və blok pəncərələri qoyulur, bloka metal qapı quraşdırılır, suvaq təzələnib və rənglənir. Habelə, binaların kürsü hissəsinə ağlay üzlük vurulur, pilləkən meydançalarına metlax döşənib, kanalizasiya xətti çəkilir. Hazırda işlər davam etdirilir.
Görülən işlərdən məmnun qalan qəsəbə sakinlərindən Fazil Təhmirazov, Samir Namazov və Bəhram Quliyev yaşadıqları binalarda təmir işləri aparıldığına görə Ölkə Başçısı İlham Əliyev cənablarına, qəsəbə sakinlərinə diqqət və qayğı göstərdiyinə görə isə rayon rəhbərliyinə bütün bina sakinləri adından öz dərin minnətdarlıqlarını bildiriblər.
Məlumat üçün bildirək ki, bundan önçədə də Ceyranbatan qəsəbəsində 6 beşmərtəbəli yaşayış binasının dam örtüyü yenidən qurulmuşdu.
Şamo Əliyev