Abşeron rayon icra hakimiyyətinin başçısı İradə Gülməmmədovanın təşəbbüsü ilə icrasına başlanılmış "Nümünəvi məhəllə" layihəsi çərçivəsində abadlıq-quruculuq işləri yüksək templə davam etdirilir.
Layihəyə əsasən 27-ci məhəllədə çoxmərtəbəli yaşayış binaların əhatə etdiyi həyətlərdə müxtəlif şəxslər tərəfindən özbaşına zəbt edilmiş, ərazilərdə müxtəlif təyinatlı qanunsuz tikililər sökülmüş, ərazilər hasar və çəpərlərdən azad edilmiş, təmizlik işləri aparılmış, qurumuş və küləkli havalarda təhlükə yarada bilən ağaclar budanmış və kəsilmişdir.
Hazırda Abşeron Rayon İcra Hakimiyyətinin daxili imkanları hesabına 27-ci məhəllədə “Nümünəvi məhəllə” layihəsi çərçivəsində işlər tam yekunlaşmış 1A və 2B nömrəli binaların həyətinə asfalt döşənir. Görülən işlər çərcivəsində adı cəkilən həyətlərdə söhbətgah, uşaq əyləncə meydançaları, oturacaqlar, işıq dirəkləri quraşdırılaraq işıqlandırma sistemləri yenilənmiş, məhəllədaxili yollara bardür, keramik plitə, aqlay döşənmiş, ərazidə ağaclar, kollar və güllər əkilərək, çəmənlik salınıb.
Şamo Əliyev