Muzey Mərkəzində 2014-cü il Azərbaycanın xalq yaradıcılıq paytaxtları təqdimat mərasimi keçirilib.Tədbirin əvvəlində Bakı şəhər musiqi məktəblərinin şagirdləri çıxış edərək təqdimat mərasimini açıq elan ediblər. Daha sonra mədəniyyət və turizm naziri Əbülfəs Qarayev Azərbaycan qeyri-maddi mədəni irsin qorunması sahəsindəki vəzifələr və 2014-cü il üçün “paytaxt” seçilmiş şəhərlərin adlarını elan edib. Belə ki, 2014-cü il üçün Qəbələ “Azərbaycanın Əfsanələr Paytaxtı”, Balakən “Azərbaycanınn Folklor Paytaxtı”, Abşeron “Azərbaycanın Sənətkar Paytaxtı” seçilib.
Cənab nazir artıq bir neçə ilin ənənəsi olaraq, 2014-cü ilin sənətkarlıq paytaxtlarının elan edilməsi şərəfinə bu tədbiri keçirdiklərini bildirib: "Ötən ilin yekunları haqqında söhbət açılacaq, il müddərində paytaxt olan Xaçmaz, Zaqatala və Göygöl rayonlarının il boyu keçirdiyi tədbirlər, işləri müzakirə olunacaq. Biz düşünürük ki, bu təcrübə kifayət qədər gözəl işlər görməyə imkan yaradıb. Xüsusi ilə nəzərə alsaq ki, Azərbaycan maddi mədəni irsin qorunmasında xüsusi əhəmiyyət verir”.
Əbülfəs Qarayev bildirib ki, Heydər Əliyev Fondu, Mehriban Əliyeva tərəfindən adət-ənənlərimizin qorunması üçün böyük dəstək gəlir: "Bunları nəzərə alaraq demək olar ki, qeyri-maddi mədəni irs bizim üçün vacib olaraq qalır. Qeyd etməyə dəyər ki, ötən il Azərbaycanın tarixində ilk dəfə olaraq UNESKO-nun qeyri-maddi mədəni irs komitəsinin iclası keçirilib. Azərbaycanda keçirilən bu tədbir UNESKO tərəfindən yüksək qiymətləndirilib, faydalı və işguzar toplantılar kimi qeyd olunub.
“Biz çox sevinirik ki, Azərbaycanın təqdim etdiyi nominasiyalar hər zaman beynəlxalq cəmiyyətin dəstəyin alır".
Nazir çıxışının sonunda hər kəsi qarşıda gələn bayram münasibəti ilə təbrik edib.
Qeyd edək ki, 2014-cü il üçün xalq yaradıcılıq paytaxtları seçilən rayonlar hər biri bu il üçün planlarını təqdim ediblər. Tədbirdə paytaxt seçilən rayonların icra başçılarının müavinləri iştirak ediblər. Gələcək işlərindən və rayonlarında yerləşən istirahət mərkəzləri, otelləri barədə məlumat veriblər. Sonda isə ötən il və bu il üçün seçilmiş rayonlar diplom və kubokla mükafatlandırılıb.
