Abşeron rayonunun sakinləri ümummilli lider Heydər Əliyevin Azərbaycanın ən yeni tarixində misilsiz xidmət və rolunu çox yüksək qiymətləndirirlər. Xırdalanın, hər bir qəsəbənin, kəndin, rayonun sürətli inkişafı dahi liderin ideyalarının təntənəsinin daha bir sübutudur. Hər il mayın 10-da – ümummilli lider Heydər Əliyevin doğum günü Abşeron Rayon İcra Hakimiyyətinin təşəbbüsü ilə silsilə tədbirlər keçirilir.
Əlamətdar gün münasibətilə abşeronluların sevimli istiraməkanı – zəmanəmizin görkəmli siyasi xadimi Heydər Əliyevin adını daşıyan parkın önü al-əlvan çəmənliyi xatırladırdı. Hər yerdə bu günəşli may günündə rayon sakinlərini bayrama dəvət edən milli musiqi səslənirdi.
Rayon icra hakimiyyətinin başçısı Zakir Fərəcov, hüquq mühafizə orqanlarının, idarə, müəssisə və təşkilatların rəhbərləri iştirak edirdilər. Bayram iştirakçıları və qonaqlar rəmzi pavilyonları gəzmişlər burada çox sadə, eyni zamanda orijinal kompozisiyalar nümayiş etdirilirdi. Müxtəlif ikebanalar, rəngarəng pannolar və peyzajlar, şagirdlərin əlləri ilə yığılmış buketlər, gül səbətləri, dekorativ bitkilərdən hazırlanmış dövlət rəmzləri, eksponatlar gələnlərin diqqətini cəlb edirdi.
Həryan ətirli güllərə qərq olmuşdu. Bütövlükdə 36 məktəbdən və 22 məktəbəqədər müəssisədən, habelə musiqi məktəbindən olan uşaqlar öz əl işlərini nümayiş etdirirdilər. Şagirdlər qonaqlara konfet, şirniyyat paylayır, əl işlərini hədiyyə etdiridilər. Solistlər, qiraətçilər, aşıqlar dahi azərbaycanlı Heydər Əliyevə həsr olunmuş mahnılar və şeirlər ifa etdilər.
Saray qəsəbəsindəki fiziki və əqli cəhətdən qüsurlu uşaqlar üçün internat məktəbinin təsviri incəsənətlə məşğul olan şagirdləri da istedadlarını nümayiş etdirdilər.
Hər bir işdə dahi şəxsiyyətə böyük sevgi öz əksini tapmışdı. Buraya toplaşanları Azərbaycanı çiçəklənən diyara çevirmiş ümummilli lider Heydər Əliyevin nurlu xatirəsinə dərin ehtiram birləşdirirdi.
Valideynləri ilə parka gəlmiş uşaqların sevincinin həddi hüdudu yox idi
Bayram tanınmış inəcəsnət xadimlərinin gözəl ifaları ilə axşam saatlarınadək davam etdi