Bu gün Abşeron rayonu Mədəniyyət sarayında ictimaiyyət nümayəndələrinin geniş iştirakı ilə "1 İyun-Uşaqları Beynəlxalq Müdafiə Günü" təntənəli surətdə qeyd olunmuşdur. Tədbirdə rayon İcra Hakimiyyətinin başçısının müavini Iradə Gülməmmədova, idarə, müəsissə rəhbərləri, baxça müdirələri, həmcinin körpə fidanlar iştirak edirdilər. Əvvəlcə Rayonda fəaliyyət göstərən uşaq bağçalarının şagirdlərinin hazırladığı bayram konserti keçirildi. Uşaqların hazırladığı proqram tamaşaçılar tərəfindən maraqla qarşılandı. Uşaqlardan ibarət rəqs qrupları, şən və hazırcavab balacalar çıxış edərək şeirlər və mahnılar səsləndirdilər. Rayon İcra Hakimiyyətinin başçısınin muavini Iradə Gülmmədova körpə fidanları təbrik etdi. Bildirdi ki, 1949-cu ildə Beynəlxalq Demokratik Qadınlar Federasiyası uşaq hüquqlarının təmin edilməsi ilə bağlı təkliflərini səsləndirib və 1-ni iyunu Uşaqların Müdafiəsi Günü elan edib. BMT bu təşəbbüsü bəyənib və uşaqların hüquqlarını, həyat və sağlamlıqlarını öz fəaliyyətinin prioritet istiqamətlərindən biri kimi elan edib. 1950-ci ildə BMT-nin xətti ilə dünyanın 51 ölkəsində bu münasibətlə silsilə tədbirlər keçirilib. Uşaqların hüquqlarının müdafiəsi ilə bağlı BMT Baş Məclisi 1989-cu ilin 20 noyabrında “Uşaq Hüquqları Konvensiyası”nı müvafiq qətnaməsilə ilə qəbul edib. Azərbaycan bu Konvensiyanı Milli Məclisin 1992-ci il 21 iyul tarixli, 236 nömrəli qərarına əsasən ratifikasiya edib. Melumat uçun deyek ki, Dünyanın əksər ölkələrində olduğu kimi, "1 iyun Uşaqların Beynəlxalq Müdafiəsi Günü" Azərbaycanda, o cümlədən Abşeronda təntənə ilə qeyd edilir. 2009-cu il isə Prezident İlham Əliyevin sərəncamı ilə uşaqlara dövlət qayğısının gücləndirilməsi, uşaq problemlərinə vətəndaş cəmiyyəti qurumlarının diqqətinin artırılması və ölkənin uşaqlarla bağlı demokratik perspektivlərinin müəyyənləşdirilməsi məqsədilə “Uşaq ili” elan edilib. Hazırda ölkədə 50-yə qədər internat məktəbi fəaliyyət göstərir. Abşeron rayonunda da valideyn himayəsindən məhrum olan uşaqlara dövlət qayğısı göstərilir. Uşaqlar Azərbaycanda əhalinin təxminən 30 faizini təşkil edir. Ölkəmizdə uşaq və yeniyetmə yaşında olan gənclərin təxminən 95 faizi təhsil alır. Onların böyük bir qismi pulsuz tibbi xidmətlə təmin olunub. Qeyd edək ki, Abşeron rayonunda hal hazırda 24 məktəbəqədər təhsil müəssisəsi fəaliyyət göstərir ki, onlardan 9-u körpələr evi, 15-i isə uşaq baxçasıdır.Ümumilikdə isə rayonun körpələr evi, uşaq baxçalarında 2300 uşaq məktəbəqədər təhsil və tərbiyyə alır. Tədbirin sonunda bayram tortu kəsildi və balaca fidanlarla xatirə şəkili çəkdirildi.