Səhərdən Abşeron rayonunun mədəniyyət evində xüsusi canlanma olmuşdur. Burada Əmək və Əhalinin Sosial Müdafiəsi Nazirliyi ilə Abşeron rayonunun İcra Hakimiyyəti əmək yarmarkası keçirmişlər. İşaxtaranlara 194 iş yeri təklif olunmuşdur.
Rayon əmək yarmarkasında iştirak etmək üçün 29 təşkilat sifariş vermişdir. Abşeron Xəbər-ə müsahibə verən Abşeron rayonu Məşğulluq Mərkəzinin direktoru Abbas Məmmədov demişdir ki, onların arasında 12 dövlət, 16 özəl sektor müəssisəsi, bir xarici firma vardır. O, həmçinin qeyd etmişdir ki, yarmarkada öz vakansiyalarını təqdim edən fiziki şəxslər də iştirak etmişdir.
Yarmarka zamanı 70 nəfərdən çox adam işə göndəriş almışdır.
Ümumilikdə yarmarkada 250-dən çox adam iştirak edirdi.
Yarmarkanın açılışında rayon İcra Hakimiyyətinin və Dövlət Məşğulluq Xidmətinin məsul işciləri iştirak etmiş və tədbirin təşkilati vəziyyəti, təqdim olunan boş iş yerləri ilə tanış olmuşlar.
Baş redaktor: Şamo Əliyev