Azərbaycanın 10 milyonuncu vətəndaşının dünyaya gəlməsi münasibətilə Abşeron rayonunda bir sıra tədbirlər keçirildi. Belə ki, ilkin olaraq rayonun müxtəlif ərazilərində ağacəkmə kompaniyası təşkil edildi. Abşeron RİH-i tərəfindən reallaşdırılan aksiya zamanı 600 ağac əkildi.
Sonra ölkənin 10 milyonuncu vətəndaşının dünyaya gəlməsi münasibətilə iki yüzdən çox gəncin iştirakı ilə Xırdalanda yerləşən Heydər Əliyev Mərkəzinin qarşısında fləşmob keçirildi.
Günün sonunda isə Heydər Əliyev Parkında Abşeron Mədəniyyət Evinin təşkilatçılığı ilə konsert proqramı təşkil edildi. Tədbir iştirakçıları rayonun incəsənət və mədəniyyət kollektivlərinin bir-birindən maraqlı ifalarını izlədi, incəsənət ustalarının şən mahnılarını dinlədilər.
Konsert proqramı atəşfəşanlıqla başa çatdı.