Dövlətmizin idmana, təhsilə qayğısı yetişməkdə olan gənc nəslin cəmiyyətdə mühüm yer tutması, onun bir şəxs kimi yetişməsində rolu əvəzsizdir. Abşeron rayonunda yeni tikilib istifadəyə verilmiş ikimərtəbəli geniş zallı şahmat məktəbi burada yaşayan gənclərin geniş zəkaya malik olmasında önəmli rol oynayır. Şahmatdakı fiqurlardan ustalıqla istifadə edib rəqib şahını ”mat” qoyanlar, gələcək həyatlarındakı problemləri çözməyə o qədər də çətinlik çəkmirlər. Sözsüz ki, bu işlə gərək uşaq vaxtından məşğul olasan.
Burada da şahmatın sirrlərini öyrənən elə uşaqlar var ki, adam onları görəndə lap mat qalır. Onlardan biri də 7 yaşlı Əli Zuqanovdur.
Əlinin şahmatla tanışlığı 4 yaşından başlayıb. Şahmatın sirrlərini anasından öyrənən Əli 4 yaşında şahmat yarışlarında iştirak edib. O getdiyi şahmat məktəbində məşqçı Dibirova Rühəngizin qrupunda məşğul olub. Anasının sözlərinə görə Əli məktəbə gələn kimi özünü doğrultmağı bacardı. Belə ki, o məktəbdə öz yaşıdları arasında keçirilən yarışda birinci yer tutub.Əlinin uğurları barmaqla sayılacaq dərəcədə az deyil.Onun uğurları sırasına Naxcıvanda Ümumlider Heydər Əliyevin əziz xatirəsinə həsr edilmiş "Naxcıvan Open-2014" beynəlxalq festivalının c turnirinin 8 yaşadək oğlanlar arasında II yerə ,Gürcüstanda keçirilən yarışda I yerə, Yunanıstanın Kavala şəhərində keçirilən 7 yaşlılar arasında Avropa birinciliyində IV yerə yüksəlmişdir. 2013-cü ildə, 6 yaşı olarkən həmyaşıtları arasında isə Azərbaycan birinçisi olub.Bu yaşda olmasına baxmayaraq kompyuterdə yüklənmiş şahmat oyununun öhdəsindən məharətlə gəlir. Qeyd edək ki,Əlinin anası Rühəngiz Dibirova Respublika dərəcəli hakimdir.
Balaca Əlinin ən böyük arzusu gələcəkdə dünya çempionu olmaqdır.
Baş redaktor: Şamo Əliyev