Bir sıra rayonların uşaq musiqi və incəsənət məktəbləri rəhbərlərinin iştirakı ilə məktəblərdə tədris işinin təşkili ilə bağlı zona müşavirəsi keçirilib. Abşeron rayonunda təşkil edilən müşavirədə Sumqayıt, Abşeron ,Qubadlı və Xızı rayonundan olan nümayəndələr iştirak edib.
Abşeron rayonunda Azərbaycan Respublikası Mədəniyyət və Turizm Nazirliyinin iş planına uyğun olaraq Sumqayıt, Abşeron ,Qubadlı və Xızı rayonundan olan uşaq musiqi və incəsənət məktəblərinin rəhbərlərinə elmi-metodiki və sənədlərlə iş sahəsində əməli kömək göstərilməsi məqsədilə zona müşavirəsi keçirilmişdir. Öncə tədbir iştirakçıları Xırdalan şəhərində Xalqimizin Ümumilli lideri Heydər Əliyevin abidəsini ziyarət edərək ruhuna ehtiramlarını bildiriblər.Daha sonra Heydər Əliyev parkında ucaldılan bayraq meydanı ilə tanışlıq olub.Abşeron rayon Mədəniyyət və Turizim şöbəsinin müdiri İlham Manafov Parkda Hüsünkar görkəmi ilə hər kəsi heyran qoyan Heydər Əliyev mərkəzi haqqında Müşavirə iştirakçılarına məlumat verilib.Sonra zona müşavirəsinə start verilib. Qeyd edək ki, Sözügedən Şəhər və rayonların uşaq musiqi və incəsənət məktəblərinin direktor, direktor müavinləri və pedaqoji kollektivlərin üzvləri ilə görüş zamanı Azərbaycan Respublikası Nazirlər Kabinetinin qərar və sərəncamları, Mədəniyyət və Turizm Nazirliyinin əmr və kollegiya qərarları, habelə uşaq musiqi, incəsənət və rəssamlıq məktəblərinin fəaliyyətini tənzimləyən aidiyyəti normativ-hüquqi aktlar, uşaq musiqi, incəsənət və rəssamlıq məktəblərinin Nümunəvi Əsasnaməsi, Tədris Planları, Tədris Proqramlarının tələb və müddəaları ilə bağlı zəruri məlumatlar və izahatlar verilmiş, bu barədə müvafiq fikir mübadiləsi aparılib.Eyni zamanda, məktəb rəhbərlərinin tədris işinin təşkili, məktəbin idarə edilməsi ilə bağlı sualları cavablandırılmış, təklifləri dinlənilmişdir. Müşavirə iştirakçılarına yeni hazırlanmış Tədris Proqramları və dərsliklər paylanmış və onların tədris prosesinə tətbiqi ilə bağlı zəruri izahatlar verilmişdir. Bundan əlavə Mədəniyyətşünaslıq üzrə Elmi-Metodiki Mərkəz tərəfindən hazırlanan "Uşaq musiqi, incəsənət və rəssamlıq məktəblərində tədris kabinetlərinin tərtibatı üzrə Metodiki Tələblər"in layihəsi müzakirə edilmiş, rəy və təkliflər bildirilməsi üçün məktəb kollektivlərində də baxılması tövsiyə edilmişdir.
Baş redaktor: Şamo Əliyev
