Mərkəzi Seçki Komissiyası (MSK) Abşeron rayonunda kurslara başlayıb.
Mərkəzi Seçki Komissiyası Azərbaycan Respublikası Prezidentinin 27 dekabr 2011-ci il tarixli sərəncamı ilə təsdiq edilmiş “Azərbaycan Respublikasında insan hüquq və azadlıqlarının müdafiəsinin səmərəliliyini artırmaq sahəsində Milli Fəaliyyət Proqramı”nın icrası ilə bağlı aşağı seçki komissiyalarının maarifləndirmə proqramı çərçivəsində 45 saylı Abseron seçki dairəsində
seçki hüququ üzrə ixtisaslaşdırılmış kurslar keçirir.
Oktyabrın 22-dən etibarən başlanmış kurslarda dairə seçki komissiyalarının üzvləri və məntəqə seçki komissiyalarının sədrləri iştirak edirlər. Tədris planına müvafiq olaraq kurslarda Mərkəzi Seçki Komissiyasının üzvləri, MSK Katibliyinin əməkdaşları, yerli dairə seçki komissiyalarının sədrləri, müvafiq icra hakimiyyəti qurumlarının rəsmiləri, eləcə də rayonların və şəhərlərin prokurorluq, məhkəmə və polis orqanlarının məsul şəxsləri bələdiyyə seçkiləri ilə bağlı müxtəlif mövzularda mühazirələr oxuyurlar.
İxtisaslaşdırılmış kursların 3 gün davam etməsi və 24 oktyabrda başa çatması nəzərdə tutulur.
23 dekabrda keçiriləcək Bələdiyyə seçkiləri ilə bağlı 45 saylı Abşeron rayon seçki dairəsində Dairə seçki komissiyasının üzvləri və məntəqə seçki komissiyasının sədrləri üçün seminarlar təşkil olunudu. 23 dekabr - Bələdiyyə seçkiləri ilə bağlı 45 saylı Abşeron seçki dairəsində Dairə seçki komissiyasının üzvləri və məntəqə seçki komissiyasının sədrləri üçün təşkil olunan seminarda çıxış edən seçki dairəsinin sədri Dilşad xanım Abbasova tədbirin əhəmiyyətindən danışıb. Qeyd edib ki, bu seminarlar Bələdiyyə seçkilərinə hazırlıqla bağlı görülən işlər çərçivəsində keçirilir. Seminarlarda icra hakimiyyətinin nümayəndələri ,MSK-nın nümayəndələri və digər məsul şəxsləri, hüquq mühafizə orqanlarının rəhbərləri, dairə seçki komissiyasının üzvləri müzakirə etdikləri müvafiq məsələləri qanun çərçivəsində məntəqə sədrlərinə çatdırırlar. 45 saylı Abşeron seçki dairəsində 36 məntəqə var. Bələdiyyə seçkilərinin yüksək səviyyədə keçirilməsi üçün bütün məntəqələrdə zəruri tədbirlər görülür.
45 saylı Abseron seçki dairəsi
1 Xırdalan bələdiyyəsi
2 Mehdiabad bələdiyyəsi
3 Masazır bələdiyyəsi
4 Fatmayı bələdiyyəsi
5 Görədil bələdiyyəsi
6 Məmmədli bələdiyyəsi
7 Digah bələdiyyəsi
Baş redaktor: Şamo Əliyev
